ꓟꓶ ꓦ ꓟ: ꓠ ꓠ ꓜꓯ.ꓹ ꓔꓬ ꓟ ꓑꓶ ꓓꓴ ꓟꓯꓼ ꓛꓰ ꓑꓬ ꓔꓬ ꓢꓴ ꓐꓴ ꓠꓬ ꓦꓲ ꓙꓱ ꓘꓳ. ꓢꓲ ꓔꓬ ꓟ ꓑꓶ ꓓꓴ ꓮ ꓘꓶ ꓔꓬ ꓫ ꓔꓬ ꓡꓳ= ꓖ-ꓜ ꓟꓵ: ꓗꓪ ꓟꓯꓼ ꓛꓰ ꓑꓬ ꓔꓬ ꓢꓴ 20 ꓢꓯꓹ ꓟ ꓞꓲ ꓙꓳˍ ꓡ ꓔꓬ ꓟ ꓗꓪ ꓟꓬ ꓠꓬꓲ ꓠꓬ ꓗꓳ. ꓗꓷ ꓟ 10 ꓦ ꓗꓪ ꓚꓳꓼ ꓬꓲ ꓐꓶꓹ ꓟꓬ ꓡ ꓔꓬ ꓟ ꓥꓳ=
ꓟꓶ ꓦ ꓮ ꓘꓶ. ꓜꓯ. ꓡ ꓟ ꓑꓶ ꓓꓴ ꓜ ꓓꓴ ꓓꓳ ꓓꓴ ꓥˍ ꓟꓲ ꓮ ꓘꓶ. ꓬꓰ ꓫ ꓔꓬ ꓟ ꓥꓳ=2023 ꓘꓳꓼ 10 ꓦ 7 ꓠꓬꓲ ꓕ: ꓧ-ꓟ-ꓢꓲ(ꓧꓮꓟꓮꓢ) ꓐꓴ ꓗꓪ ꓐꓰ ꓬꓲ-ꓢꓷ-ꓡꓰ ꓐꓴ ꓔꓯ ꓐꓳ: ꓐꓶ꓾ ꓡ ꓛꓴꓼ ꓐꓶ ꓬꓰ ꓡ ꓟ ꓑꓶ ꓓꓴ ꓬꓲ-ꓢꓷ-ꓡꓰ ꓞꓳ ꓤ 1200 ꓣꓳ ꓫꓵ.ꓹ ꓢꓲ꓾ 250 ꓣꓳ ꓟ: ꓞꓲ ꓧꓮꓟꓮꓢ ꓟꓯꓼ ꓐꓴ ꓠꓰ ꓣꓴ ꓡꓴ: ꓞꓳꓹ ꓔ ꓡꓳ ꓐꓰ ꓬꓲ-ꓢꓷ-ꓡꓰ ꓐꓴ ꓠꓰ ꓐꓯ ꓔ ꓡꓳ= ꓖꓳ ꓟ ꓑꓶ ꓓꓴ ꓧꓮꓟꓮꓢ ꓔꓬ ꓟ ꓟꓵ: ꓖ-ꓜ ꓗꓪ ꓧꓮꓟꓮꓢ ꓐꓴ ꓔꓯ ꓬꓲ-ꓢꓷ-ꓡꓰ ꓐꓴ ꓠꓰ ꓢꓰꓼ ꓔꓬ ꓟ ꓥꓳ ꓪ=
ꓖꓳ ꓕꓯ ꓖ-ꓜ ꓗꓪ ꓔꓬ ꓟ ꓑ ꓫꓬ ꓐꓴ 44211 ꓣꓳ ꓫꓵ.ꓹ ꓢꓲ꓾ 104574 ꓣꓳ ꓠ, ꓓꓴ ꓡꓰˍ ꓟ ꓥꓳ ꓐꓰ ꓧꓮꓟꓮꓢ ꓢꓯꓼ ꓧꓪꓼ ꓜꓴ ꓗꓪ ꓐꓰ 11 ꓦ 24 ꓠꓬꓲ ꓗꓪ ꓐꓯ ꓑꓶ ꓔ ꓟ ꓥꓳ=
DO: CEꓼ꓾ ꓣꓰꓴꓔꓰꓣꓢ