ꓖꓴ ꓟꓶ. ꓗꓳꓼ‐ꓣꓲꓼ‐ꓬ ꓐꓰ ꓔꓴ‐ꓣ‐ꓗꓲ ꓗꓴꓷꓼ ꓗꓪ ꓐꓰ ꓴꓢꓮ ꓗꓴꓷꓼ ꓗꓪ ꓮ. ꓭ., ꓩꓴ., ꓚꓰ, ꓪꓴ ꓖꓶ ꓓꓴ ꓥꓳ꓿

2025 ꓘꓳꓼ ꓬꓲ. ꓘꓴ ꓗꓪ ꓠꓬ ꓴꓢꓮ ꓗꓴꓷꓼ ꓗꓪ ꓮ. ꓭ., ꓩꓴ., ꓠ ꓧꓶ ꓧ5ꓠ1 ꓠ, ꓫꓵꓽ ꓙꓳ ꓡ ꓔꓬ ꓟ ꓑꓶ ꓓꓴ ꓮ. ꓭ., ꓮ ꓟꓬ ꓫꓵ., ꓖꓴ ꓡꓰ_ ꓟ ꓑꓶ ꓓꓴ ꓮ ꓟꓶ ꓠꓬ ꓮ. ꓭ., ꓩꓴ., ꓬꓲ. ꓒꓵꓽ ꓠꓬ 40% ꓬꓲ. ꓒꓴ ꓓꓯ ꓙꓰ ꓔꓬ ꓟ ꓥꓳ꓿ ꓔꓣꓴꓟꓑ ꓙꓵꓽ ꓚ, ꓗꓪꓽ ꓫꓵꓽ ꓢꓴ ꓐꓴ ꓠꓬ ꓠ., ꓫꓵꓽ ꓕꓲ ꓟ ꓔꓯ ꓟꓶꓽ ꓡꓰ ꓝꓲ ꓠ, ꓟ ꓐꓱ ꓶ $1 ꓐꓲꓡꓡꓲꓳꓠ ꓣꓱꓽ ꓓꓴ ꓥꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓠꓬ ꓐꓶꓽ ꓗꓴꓷꓼ ꓗꓪ ꓐꓰ ꓮ. ꓭ., ꓩꓴ., ꓪꓴ ꓜ ꓠ ꓗꓪ ꓛꓲ ꓗꓷ ꓙꓰ ꓔꓬ ꓡꓳ꓿ ꓖꓳ ꓟ ꓑꓶ ꓓꓴ ꓖꓴ ꓟꓶ. ꓗꓳꓼ‐ꓣꓲꓼ‐ꓬ ꓐꓰ ꓔꓴ‐ꓣ ꓗꓲ ꓗꓴꓷꓼ ꓗꓪ ꓐꓰ ꓮ ꓭ., ꓩꓴ., ꓪꓴ ꓓꓴ ꓥꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓕꓱ ꓡꓱ ꓒꓬꓱ ꓡ ꓟ ꓠꓬ ꓐꓲꓓꓰꓠ ꓙꓵꓽ ꓚꓰ, ꓢꓯꓼ ꓐ, ꓟ ꓗꓪ ꓐꓰ ꓒꓬꓱ, ꓡ ꓔꓬ ꓟ ꓥꓳ ꓐꓰ ꓔꓣꓴꓟꓑ ꓡꓰ ꓝꓴꓲꓽ ꓓꓰꓼ ꓔꓬ ꓡꓳ꓿

ꓓꓳꓽ ꓚꓰ꓾ ꓣꓰꓴꓔꓰꓣꓢ