2022 ꓘꓳꓼ 10 ꓦ 30 ꓠꓬꓲ ꓕꓯꓽ ꓖꓴ ꓟꓶꓸ ꓗꓳ-ꓣꓲ-ꓬ ꓗꓴꓷꓼ꓾ ꓢꓳꓸ ꓡꓳ ꓒꓱ꓾ ꓲ-ꓔꓯ-ꓪꓳ (Itaewon) ꓗꓪ ꓟꓶ ꓜꓲꓽ ꓔꓴ ꓑꓮꓲ (Halloween) ꓬꓰ꓾ ꓮ ꓡꓻ 146 ꓛꓲ ꓫꓵꓻ꓾ 150 ꓛꓲ ꓠꓻ ꓓꓴ ꓡꓰꓳ꓿
ꓙ ꓖꓴ ꓞꓲꓸ ꓞꓲꓸ ꓕꓲ ꓚꓱꓹ ꓗꓪ ꓞꓳ ꓜꓴ ꓞꓳ ꓟꓯꓼ ꓓꓱꓽ ꓞꓳ ꓡꓯ ꓘꓳ ꓢꓲꓸ ꓔꓲꓺ ꓢꓰꓼ꓾ꓥꓰꓸ ꓢꓰꓼ ꓟ ꓥ ꓡꓳ꓾ ꓐꓯ ꓡꓳ꓿
ꓟꓯꓼ ꓐꓴ ꓠꓰ ꓚꓬꓴꓹ ꓙ ꓡ ꓕꓯꓽ ꓡꓱꓸ ꓓꓳꓽ ꓔꓬ ꓢꓲꓸ ꓠꓲꓹ ꓟ ꓟꓽ ꓔꓶꓹ ꓬꓰ ꓢꓴ ꓮ ꓡꓻ 100 ꓖꓼ ꓡꓯꓼ ꓖ ꓧꓲ ꓧꓪ ꓟꓳˍ ꓡꓳ꓾ꓐꓯ ꓡꓳ꓿
ꓗꓳ-ꓪꓰꓼ-19 ꓑꓶꓸ ꓓꓴ ꓕꓱ 3 ꓘꓳꓼ ꓟ ꓘꓴꓽ ꓗꓪ ꓬꓲꓸ ꓪꓴꓸ ꓕꓲꓽ ꓧꓪꓹ ꓜꓲꓼ ꓝꓲˍ ꓟ ꓑꓮꓲꓽ ꓥ ꓢꓲ꓾ ꓮ ꓡꓻ 100000 ꓣꓳ ꓛꓲ ꓜꓲꓼ ꓡ ꓡꓳ꓾ ꓐꓯ ꓡꓳ꓿
ꓟꓶ ꓜꓲꓽ ꓔꓴ ꓑꓮꓲ ꓔꓯ ꓠꓬ 10 ꓦ 31 ꓠꓬꓲ ꓟꓶ ꓘꓶꓼ ꓗꓪ ꓫꓵꓻ ꓢꓴ ꓦ ꓠꓬ ꓡꓱ ꓜꓳ ꓙꓪ ꓐꓰ ꓓꓳ ꓡ ꓢꓲ꓾ ꓖꓳ ꓑꓳꓸ ꓕ ꓑꓳꓸ ꓙꓰ ꓚꓳˍ ꓡꓳ꓾ ꓐꓯˍ ꓟ ꓙꓵꓻ ꓚꓱꓹ ꓡꓳ ꓚ ꓬꓰ ꓚꓰꓼ ꓟ ꓥ ꓢꓲ꓾ ꓮ ꓟꓶ ꓪꓴꓸ ꓔꓴ ꓢꓲꓸ ꓬꓰ ꓔꓬ ꓟ ꓥ ꓢꓲ꓾ꓕꓱ ꓡꓱ ꓫꓸ ꓙꓵ ꓓꓴ ꓔꓳꓹ ꓜꓳꓽ ꓡꓰˍ ꓟ ꓥ ꓡꓳ꓿
ꓬꓲꓸ ꓚꓰ꓾ Washington Post