ꓬꓲꓸ ꓫꓵ ꓬꓲ ꓙꓰ ꓬꓲꓸ ꓚꓱꓹ ꓬꓲ ꓟꓲ ꓮ ꓙꓵꓽ ꓠꓬ Google ꓗꓪ ꓐꓰ ꓧꓪ ꓣꓴ ꓓ ꓟ ꓦꓬꓼ ꓠꓬꓲ ꓥ ꓡꓳ= ꓡꓲ-ꓢꓴ ꓞꓳ ꓡꓱ ꓐꓴ ꓥ ꓟꓲ ꓧꓪ ꓗꓴꓸ ꓡꓰ ꓠꓹ ꓟ ꓮ ꓔꓲꓸ ꓤꓼ ꓚꓰꓹ ꓟꓳꓸ ꓖꓶ ꓩꓴ ꓡ ꓥꓳ= ꓮ ꓡꓲ ꓧꓪ ꓠꓹ ꓟ ꓬꓲꓸ ꓚꓱꓹ ꓢꓷꓸ ꓟ ꓗꓪ ꓐꓰ ꓚꓲ ꓛꓬ ꓧꓪ ꓠꓲꓹ ꓫꓵ ꓟ ꓢ ꓢꓹ ꓤꓼ ꓧꓪ ꓣꓴ ꓐ ꓡ ꓥꓳ=
1ꓸ ꓧꓪ ꓠꓲꓹ ꓫꓵး ꓟ ꓕꓳ ꓶ ꓔꓯ ꓑꓓꓝ ꓕꓳ ꓶ ꓕꓲ ꓩꓴꓸ ꓟ ꓧꓪ ꓠꓲꓹ ꓫꓵ ꓠꓬ꓾ ꓧꓪ ꓠꓲꓹ ꓫꓵ ꓟ ꓕꓳ ꓶ ꓙ ꓖꓴ ꓐꓳ ꓓꓳ ꓡꓰ ꓕꓯ filetype:pdf ꓐꓰ ꓐꓳ ꓔꓺ ꓢꓲꓸ ꓧꓪ=ꓔꓯꓺ ꓥꓳꓽ꓾ sushi filetype:pdf
- ꓧꓪ ꓔꓬ ꓟ ꓗꓪ ꓣꓳ ꓟꓽ ꓠꓲꓹ ꓫꓵ ꓟ ꓟꓽ ꓓꓳ ꓡ ꓠꓹ ꓟ ꓐꓱ ꓶ ” – ” ꓣꓱꓽ ꓢꓲꓸ ꓟꓽ ꓫꓵ ꓫꓵ ꓟ ꓕꓲ ꓫꓵ ꓫꓵ ꓖꓳ ꓗꓪ ꓐꓳ ꓔꓺ ꓓꓴ ꓬꓰ=ꓔꓯꓺ ꓥꓳꓽ꓾ restaurant -japan (ꓜꓽ ꓓꓴ ꓜꓽ ꓙꓲꓺ ꓔꓲ꓾ ꓖꓳ ꓡꓱ ꓥ ꓟꓲ ꓙ-ꓑ Japan ꓜꓽ ꓓꓴ ꓙꓲꓺ ꓟꓽ ꓟꓳꓸ ꓖꓶ ꓡ)
3ꓸ ꓕꓲ ꓫꓵꓽ ꓟꓽ ꓥ ꓠꓱꓸ ꓐꓯꓼ ꓕꓲ ꓝꓳꓹ ꓕꓲ ꓫꓵꓽ ꓧꓪ ꓠꓲꓹ ꓫꓵ ꓠꓬ “ꓳꓣ” ꓐꓳ ꓢꓲꓸ ꓧꓪ ꓓ ꓡꓳ=ꓔꓯꓺ ꓥꓳꓽ꓾ Drone OR UAV
4ꓸ ꓧꓪ ꓒꓴ ꓰ-ꓖꓶ-ꓡꓲꓼ ꓥꓳꓽ ꓗꓪ ꓐꓰ ꓕꓳ ꓶ ꓝꓳꓹ ꓕꓲ ꓟ ꓟ ꓔꓯ ꓒꓶꓻ ꓟꓸ ꓖꓶ ꓡ ꓝꓲ ꓠꓲꓹ ꓫꓵ ꓠꓬ꓾ “Define” ꓐꓳ ꓠ ꓔ ꓡꓳ= ꓓꓣꓳꓠꓰ ꓐꓯ ꓟ ꓔꓯ ꓒꓶꓻ ꓟꓸ ꓖꓶ ꓡ ꓠꓹ ꓟ꓾ꓔꓯꓺ ꓥꓳꓽ꓾ define Drone
5ꓸ ꓬꓲꓸ ꓝꓳꓹ ꓝꓲꓹ ꓟꓴ ꓜꓯ ꓟꓽ ꓗꓴꓸ ꓡꓰ ꓟ ꓕꓲ ꓝꓳꓹ ꓝꓳꓹ ꓙꓳ ꓠꓬ꓾ ꓳꓸ ꓟ ꓬꓲꓸ ꓛꓲ * ꓣꓱꓽ ꓢꓲꓸ ꓧꓪ ꓓ ꓡꓳ=ꓔꓯ ꓥꓳꓽ꓾ electroni*s
6ꓸ ꓣꓳ ꓧꓪ ꓠꓲꓹ ꓫꓵ ꓟ ꓕꓳ ꓶ ꓝꓳꓹ ꓔꓯ ꓗꓼ ꓪˍ ꓟ ꓧꓪ ꓠꓹ ꓟ ꓐꓯ ꓶ ” ” ꓟ ꓘꓴ ꓗꓪ ꓐꓳ ꓗꓶ ꓠ ꓔꓸ ꓡꓳ=ꓔꓯ ꓥꓳꓽ꓾ “I am Lisu”
- Google ꓗꓪ ꓣꓳ ꓡꓰ ꓢꓪꓹ ꓢꓪꓼ ꓐꓳ ꓖꓶꓽ ꓗꓷ ꓠꓬ ꓬꓲꓸ ꓐꓬꓱꓽ ꓐꓳ ꓡꓽ ꓖꓶꓽ ꓐ ꓡ ꓡꓳ=ꓔꓯꓺ ꓥꓳꓽ꓾ y=x^2+6x+9
8ꓸ Website ꓕꓲ ꓟ ꓘꓴꓽ ꓗꓪ ꓣꓳ ꓧꓪ ꓠꓲꓹ ꓫꓵ ꓟ ꓔꓯ ꓥ ꓟꓲ꓾ Google ꓡꓰ ꓧꓪ ꓖꓶꓽ ꓐ ꓡ ꓡꓳ= ꓔꓯꓺ ꓥꓳꓽ꓾ site:easydevboards.com Bluetooth ꓐꓳ ꓢꓲꓸ ꓧꓪ ꓠꓬ devboards.com ꓗꓪ bluetooth ꓟꓸ ꓟꓲꓽ ꓮ ꓙꓵꓽ ꓓꓳ ꓡ ꓥꓳ=
9ꓸ Internet ꓟꓽ ꓙꓳ ꓟ ꓝꓲꓸ ꓗꓪ꓾ ꓧꓶꓸ ꓕꓯ Internet ꓙꓳ ꓕꓯ ꓛꓳꓽ ꓡꓳꓸ ꓗꓷ ꓟ ꓗꓪ ꓐꓰ ꓧꓪ ꓠꓲꓹ ꓫꓵ ꓠꓬ꓾ cache:easydevboards.com ꓐꓳ ꓢꓲꓸ ꓧꓪ ꓪ ꓓ ꓡꓳ=
10ꓸ ꓣꓳ ꓧꓪ ꓔꓬ ꓟ ꓐꓯ ꓘꓶ ꓕꓲ ꓝꓳꓹ ꓡꓲ ꓕꓲ ꓝꓳꓹ ꓠꓬ ꓬꓲꓸ ꓟꓸ ꓟꓲꓽ ꓮ ꓟꓬꓹ ꓙꓳ ꓡꓳ= ꓧꓪ ꓠꓲꓹ ꓫꓵ ꓟ ꓔꓳꓼ ꓧꓪ ꓐ ꓡ ꓠꓹ ꓟ ꓐꓱ ꓶ ꓕꓱ ꓡꓱꓳ ꓫꓵꓽ ꓮ ꓟꓬꓹ ꓢꓷꓸ ꓠꓯ ꓟ ꓥ ꓡꓳ= ꓐꓯ ꓘꓶꓽ ꓕꓲ ꓝꓳꓹ ꓐꓳ ꓢꓲ꓾ ꓖꓳ ꓟ ꓗꓪ “who, the who, a who” ꓕꓱ ꓡꓱ ꓕꓲ ꓝꓳꓹ ꓝꓳꓹ ꓔꓯ ꓐꓳ ꓔꓺ ꓢꓲꓸ ꓧꓪ ꓠꓬꓲ ꓠꓬ ꓕꓲ ꓧꓪꓹ ꓟꓳꓸ ꓖꓶ ꓡ ꓟ ꓐꓰ ꓝꓮꓲ ꓕꓲ ꓧꓪꓹ ꓟꓳꓸ ꓖꓶ ꓡ ꓟ ꓟꓽ ꓫꓱꓸ ꓡꓯ ꓘꓳ= ꓐꓯ ꓘꓶꓽ ꓟꓲꓸ ꓕꓯ ꓟꓲ ꓗꓸ ꓢꓲ ꓖꓳ ꓑꓳꓸ ꓕ ꓑꓳꓸ ꓣꓱꓽ ꓥ ꓟꓲ Google ꓡꓰ ꓧꓪ ꓟꓳꓸ ꓖꓶ ꓡ ꓟ ꓟꓽ ꓫꓱꓸ ꓡꓯ ꓘꓳ= ꓔꓯ ꓥꓳꓽ꓾ blue sky, sky blue ꓐꓳ ꓢꓲꓸ ꓧꓪ ꓠꓬꓲ ꓠꓬ 2 ꓫꓵꓽ ꓟꓳꓸ ꓖꓶ ꓡ ꓥꓳ= ꓬꓲꓸ ꓐꓬꓱꓽ ꓔꓯ ꓧꓪ ꓠꓲꓹ ꓫꓵ ꓠꓬ ꓬꓲꓸ ꓐꓬꓱꓽ ꓬꓲꓸ ꓫꓳꓽ ꓧꓪ ꓪ ꓓ ꓡꓳ=
ꓡꓯ ꓫꓵ ꓢꓳ ꓢꓲꓸ ꓬꓲꓸ ꓙꓵꓹ ꓓꓴꓸ ꓓꓴꓸ ꓤꓼ ꓗꓪ ꓣꓳ ꓧꓪ ꓠꓲꓹ ꓫꓵ ꓟ ꓧꓪ ꓟꓳ ꓡꓰ ꓝꓲ ꓡꓯ=