ꓖꓳ ꓓꓱꓽ ꓡꓲꓽ ꓢꓴ ꓤ ꓟꓶ ꓤ ꓐꓴ paracetamol ꓕꓽ ꓜꓽ꓾ ꓤ ꓠꓱ ꓟꓶꓻ ꓟꓶꓳ ꓫꓵꓽ ꓦꓵ ꓡ ꓥ꓾ ꓐꓰ ꓴꓢꓮ ꓗꓴꓷꓼ ꓙꓵꓽ ꓜꓴ ꓪꓵꓸ ꓓꓵ ꓓꓳ-ꓠꓯ-ꓕ-ꓣꓼ ꓡꓰ 2025 ꓘꓳꓼ 9 ꓦ 22 ꓠꓬꓲ ꓟꓶ ꓘꓶꓼ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓲ ꓠꓯ ꓗꓪ ꓟꓶꓻ ꓟꓶꓳ ꓔꓸꓳ ꓫꓵꓽ ꓞꓳ ꓫꓵꓼ ꓤ ꓮ ꓫꓵꓽ ꓑꓶꓸ ꓓꓴ ꓮ ꓟꓬꓹ ꓫꓳꓺ ꓡ ꓔꓬ ꓟ ꓔꓯ ꓟꓳꓸ ꓠꓯ ꓞꓲꓼ ꓢꓷꓸ ꓢꓴ ꓐꓴ ꓡꓰ ꓧꓪ ꓟꓰꓹ ꓠꓬꓲ ꓗꓷ ꓠꓬ ꓬꓲꓸ ꓚꓰ ꓧꓪ ꓟꓶ ꓡꓰ ꓟ ꓥ ꓡꓳ꓿
Paracetamol ꓗꓪ ꓙꓳˍ ꓟ acetaminophen ꓢꓯꓼ ꓕꓲꓽ ꓫꓵꓽ ꓠꓬ ꓟꓶ ꓟꓻꓳ ꓗꓷ ꓡ ꓝꓲˍ ꓟ ꓠꓻ ꓫꓵꓽ (autism) ꓔꓯ ꓥꓳꓻ ꓡꓯ ꓘꓳ ꓞ ꓡꓳ꓾ ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓐꓯ ꓓꓳ ꓡ ꓟ ꓥ ꓡꓳ꓿
ꓧꓶꓸ ꓕꓯ ꓟ ꓦꓬꓼ ꓠꓬꓲ ꓗꓪ autism ꓠꓻ ꓢꓴ ꓠꓬ ꓦꓵ ꓡ ꓟ ꓤ ꓠꓱ 20,000 ꓣꓳ ꓗꓪ 1 ꓣꓳ ꓙꓳ ꓡ ꓗꓴꓸ ꓡꓳ꓿ ꓮ ꓟꓶ ꓠꓬ ꓦꓵ ꓡ ꓟ ꓤ ꓠꓱ 32 ꓣꓳ ꓗꓪ 1 ꓣꓳ ꓙꓳ ꓡ ꓗꓪ ꓛꓲ ꓬꓲꓸ ꓐꓶꓹ ꓙꓳ ꓡ ꓡꓳ꓿
ꓮ ꓔꓲꓸ ꓔꓲꓸ ꓤꓼ ꓠꓻꓳ ꓫꓵꓽ ꓔꓯ Paracetamol ꓕꓽ ꓜꓽ꓾ ꓮ ꓡꓲ ꓟ ꓬꓰ ꓘꓳꓼ ꓠꓻ ꓓꓴ ꓙꓳˍ ꓥꓳ ꓐꓯ ꓠꓽ ꓠꓰ Tylenol ꓜꓽ꓿ ꓤ ꓠꓱ ꓞꓳ ꓫꓵꓼ ꓔꓯ Paracetamol ꓕꓽ ꓔꓳ꓿ ꓮ ꓡꓲ ꓟꓽ ꓬꓰ ꓠꓱꓸ ꓐꓯꓼ ꓠꓯ ꓞꓲꓼ ꓧꓪ ꓪ ꓟꓽ ꓓ ꓔꓸ ꓕꓽ ꓢꓲꓸ ꓮ ꓔꓲꓸ ꓤꓼ ꓔꓳ꓿ ꓝꓮꓲ ꓞꓳ ꓟꓳꓽ ꓐꓱ ꓶ ꓠꓬ ꓙꓽ ꓫꓸ ꓟꓽ ꓛꓵ꓿
ꓞꓳ ꓟꓳꓽ ꓐꓱ ꓶ Austism ꓟꓽ ꓗꓷ ꓡ ꓐꓯ ꓥ ꓟꓲ꓾ ꓦ ꓠꓻ ꓡ ꓕ ꓑꓳꓸ Paracetamol ꓜꓽ ꓟꓬꓽ ꓜꓲ ꓡꓰ ꓠꓬ ꓜꓲꓽ ꓒꓴꓽ (kidney) ꓟꓽ ꓙꓲ ꓬꓰ ꓡ ꓥ꓾ ꓐꓰ ꓠꓯ ꓞꓲꓼ ꓟꓸ ꓟꓲꓽ ꓢꓷꓸ ꓢꓴ ꓐꓴ ꓡꓰ ꓙꓳꓺ ꓗꓽ ꓖꓶ ꓔꓸ ꓡꓳ꓿