ꓖꓳꓼ-ꓕꓲꓼ ꓟꓯꓹ ꓕꓸ ꓓꓽ ꓖꓴ ꓐꓳꓽ ꓐꓶ ꓜꓯꓼ

2025 ꓘꓳꓼ 8 ꓦ 24 ꓠꓬꓲ ꓕꓯꓽ ꓮ-ꓢ ꓟꓵꓽ ꓗꓪ ꓙꓳˍ ꓟ ꓖꓳꓼ-ꓕꓲꓼ ꓟꓯꓹ ꓕꓸꓓꓽ ꓖꓴ ꓔꓯ ꓐꓳꓽ ꓐꓶ ꓜꓯꓼ ꓬꓰꓳ ꓐꓰ ꓓꓳꓽ ꓜꓳˍ ꓡꓳ꓿

ꓓꓽ ꓖꓴ ꓔꓯ ꓐꓳꓽ ꓮ ꓡꓲ ꓟ ꓠꓰ ꓐꓶ ꓓꓴ ꓟ ꓔꓯ ꓟꓳꓸ ꓔꓠꓡꓮ ꓐꓰ ꓟꓬ-ꓟ ꓟꓯꓼ ꓐꓴ ꓐꓯ ꓧꓳꓺ ꓡꓯ ꓘꓳ ꓠꓬꓹ ꓥ꓿

ꓚꓮꓳꓼ-ꓟꓯꓹ ꓕꓲꓽ ꓛꓱꓽ ꓔꓯꓸ ꓢꓲ ꓮ ꓡꓻ 30 ꓑꓯꓸ ꓛꓲ ꓟꓽ ꓙꓲ ꓬꓰꓳ ꓐꓯ ꓡꓳ꓿ ꓫꓬꓹ ꓔꓱꓹ ꓠꓬ ꓙꓲ ꓠ ꓔꓸ ꓥ ꓐꓯ ꓡꓳ꓿

ꓖꓳꓼ-ꓕꓲꓼ ꓓꓽ ꓖꓴ ꓔꓯ ꓧꓪ ꓒꓴ ꓙꓵꓽ ꓟ ꓦꓬꓼ ꓠꓬꓲ 1899 ꓘꓳꓼ ꓕꓯꓽ ꓫꓬꓹ ꓪꓴꓸ ꓔꓴ ꓔꓸ ꓢꓲ꓾ 1900 ꓘꓳꓼ ꓕꓯꓽ ꓫꓬꓹ ꓓꓳ ꓡꓰ ꓟ ꓥ ꓡꓳ꓿ ꓮ ꓟꓶ ꓠꓬ 125 ꓘꓳꓼ ꓙꓳˍ ꓟ꓾ ꓟꓲ ꓠꓯ ꓗꓪ ꓟꓬꓱ ꓓꓳꓽ ꓙꓳˍ ꓟ꓾ ꓡꓳ ꓛꓳꓽ/ꓡꓳ ꓘꓳꓽ ꓓꓽ ꓟ ꓔꓯ ꓝꓸ ꓔꓸ ꓟ ꓟꓯꓹ ꓕꓸ ꓓꓽ ꓖꓴ ꓕꓲꓽ ꓟ ꓥ ꓡꓳ꓿