ꓖꓪ-ꓔꓲ-ꓟ-ꓡ ꓪꓰꓸ

ꓟꓬ-ꓟ ꓗꓴꓷꓼ ꓪꓰꓸ ꓓꓳ ꓟꓵꓽ ꓒ-ꓗ ꓗꓪ ꓖꓪ-ꓔꓲ-ꓟ-ꓡ ꓪꓰꓸ ꓕꓲꓽ ꓫꓵꓽ ꓛꓲ ꓡ ꓔꓬ ꓡꓳ꓾ ꓐꓯ ꓡꓳ꓿

ꓖꓪ-ꓔꓲ-ꓟ-ꓡ ꓪꓰꓸ ꓐꓯˍ ꓟ ꓠꓬ꓾ ꓖꓪ-ꓔꓲ-ꓟ-ꓡ ꓗꓴꓷꓼ (Guatemala) ꓗꓴꓷꓼ ꓗꓪ ꓐꓰ ꓓꓳˍ ꓟ ꓪꓰꓸ ꓥ ꓟ ꓑꓶꓸ ꓓꓴ ꓬꓲꓸ ꓟꓬꓱꓺ ꓳꓸ ꓡꓲ ꓘꓴˍ ꓟ ꓥꓳ꓿

ꓪꓰꓸ ꓕꓱ ꓕꓲ ꓫꓵꓽ ꓠꓬ ꓧꓶꓽ ꓗꓴꓷꓼ ꓗꓪ ꓐꓰ ꓕꓲ ꓝꓸ ꓒ-ꓗꓸ ꓟꓵꓽ ꓗꓪ꓾ ꓝꓮꓲ ꓟ-ꓓꓲ-ꓡꓲ ꓗꓪ ꓗꓴ ꓗꓴ ꓢꓲ ꓔꓱꓽ ꓩꓴ ꓡ ꓔꓬ ꓟ ꓥ ꓡꓳ꓿

ꓪꓰꓸ ꓛꓳꓽ ꓗꓴꓸ ꓢꓴ ꓬꓲꓸ ꓡꓽ ꓡꓲꓽ ꓐꓴ ꓠꓬ ꓢꓷꓸ ꓥ ꓟꓲ꓾ ꓮ ꓟꓶ ꓢꓲꓸ ꓪꓴꓸ ꓔꓴ ꓔꓬ ꓢꓴ ꓠꓬ ꓛꓳꓽ ꓥꓳꓽ ꓡꓰ꓾ ꓪꓴꓻ ꓥꓳꓽ ꓡꓰ ꓓˍ ꓡꓳ꓾ ꓐꓯˍ ꓡꓳ꓿

“ꓟꓽ ꓢꓶꓸ ꓔꓸ ꓟ ꓠꓬ ꓒ-ꓗꓸ ꓪꓰꓸ ꓥ /ꓽ ꓥ ꓢꓷꓸ ꓪ ꓓˍ ꓡꓳ꓿ ꓳꓸ ꓐꓯ ꓖꓶ ꓢꓶꓸ ꓓꓳ ꓡꓰ ꓟ ꓐꓲꓻ ꓫꓴꓽ ꓓꓴ ꓓꓱꓼ ꓓꓴ ꓬꓲꓸ ꓫꓵ ꓬꓲ ꓙꓰꓽ ꓔꓯ ꓠꓬ ꓖꓳ ꓡꓱ ꓬꓰ ꓪ ꓟꓽ ꓓ꓿ ꓒꓯꓽ ꓫꓸ ꓔꓸ ꓡꓳ꓿” ꓐꓰ ꓪꓰꓸ ꓪꓴꓻ/ꓪꓴꓽ ꓔꓬ ꓟ ꓶ ꓡꓯꓼ ꓬꓰ ꓢꓴ ꓕꓲꓽ ꓣꓳ ꓠꓰ ꓐꓯ ꓡꓳ꓿

ꓟꓬ ꓢꓶꓽ ꓡꓰ ꓒꓯꓽ ꓠꓹ ꓟ ꓫꓸ ꓟ ꓑꓶꓸ ꓓꓴ ꓫꓱ-ꓡꓲ꓾ ꓧꓶꓽ ꓒꓽ ꓟꓵꓽ ꓗꓪ ꓠꓬ ꓪꓰꓸ ꓡꓳ ꓓꓰꓺ ꓚꓹ ꓠꓬꓲ ꓖꓴ ꓗꓪ ꓚꓹ ꓓꓳ ꓡꓰ ꓕꓯꓽ ꓢꓲꓸ ꓪꓴꓽ/ꓪꓴꓻ ꓡꓯ ꓘꓳ ꓔꓬ ꓟ ꓢꓷꓸ ꓪ ꓡꓳ꓿

ꓟ-ꓓꓲ-ꓡꓲ ꓡꓳ ꓒꓱ ꓗꓪ ꓖꓪ-ꓔꓲ-ꓟ-ꓡ ꓪꓰꓸ ꓛꓳꓽ ꓡꓳꓸ ꓠꓲꓹ ꓫꓵ ꓢꓴ ꓐꓴ ꓔꓯ K Mandalay ꓙ ꓖꓴ ꓚꓱꓹ 54×36 ꓗꓪ ꓡꓳꓸ ꓛꓳꓽ ꓪ ꓓ ꓡꓳ꓿