“ꓮ-ꓥꓰ ꓐꓴ ꓠꓽ ꓫꓵꓻ ꓟꓽ ꓓ꓾ ꓥꓰ-ꓮ-ꓥꓳꓼ ꓐꓴ ꓠꓽ ꓫꓵꓻ ꓟꓽ ꓓ” ꓕꓱ ꓡꓱ ꓐꓯ ꓢꓲꓸ ꓗꓹ ꓛꓲ ꓛꓲ ꓘꓳ ꓣꓴ ꓡ ꓢꓴ ꓠꓬ꓾ ꓑꓴ-ꓔ-ꓳ ꓟꓵꓽ꓾ ꓟꓶ-ꓚꓸ-ꓐꓳꓼ ꓡꓳ ꓒꓱ ꓕ-ꓖ ꓘꓹ ꓗꓪ ꓔꓬ ꓟ ꓮ ꓠꓱ ꓡꓲ-ꓢꓴ ꓡꓲ ꓒꓰꓼ ꓢꓷꓸ ꓢꓴ ꓮꓸ ꓬꓽ ꓥꓰ-ꓮ-ꓥꓳꓼ ꓥꓳ= ꓖꓳ ꓕꓲ ꓠꓬꓲ ꓠꓬ 2021 ꓘꓳꓼ 9 ꓦ 18 ꓠꓬꓲ=
“ꓠꓶꓹ ꓙꓲ ꓟ ꓖꓶ ꓟꓽ ꓙꓳ ꓬꓰꓳ ꓡꓲꓸ ꓖꓯꓽ= ꓚꓸ ꓦꓹ ꓥꓳ ꓐꓯ ꓠꓽ ꓕ-ꓖ ꓘꓹ ꓞꓳ ꓡꓯꓸꓳ ꓔꓶ ꓛꓲꓽ ꓖꓴꓼ ꓡꓯ꓾ ꓛꓲꓽ ꓖꓴꓼ ꓡꓯ ꓐꓯ ꓢꓲꓸ ꓳꓸ ꓞꓱ ꓕꓲ ꓐꓴ ꓔꓷꓹ ꓡ= ꓮ ꓕꓽ ꓡꓲꓸ ꓟꓽ ꓝꓱꓹ ꓖꓴꓼ ꓡ= ꓳꓸ ꓡꓲ ꓠꓰ ꓖ-ꓟꓶ-ꓓꓰ ꓗꓪ ꓙꓰ ꓢꓴ ꓔꓯ ꓔ-ꓟꓶ-ꓓꓳ ꓣꓴꓟ ꓟ ꓢꓲꓸ ꓪꓴꓻ ꓡꓯ ꓘꓪ ꓩꓴ ꓠ ꓔꓸ ꓥꓳ ꓐꓳ=” ꓡꓲ-ꓢꓴ ꓒꓵꓽ ꓒ ꓡꓲ ꓒꓰꓼ ꓗ ꓑꓲꓹ ꓠꓶꓹ ꓙꓲ ꓡꓰ ꓘꓳ ꓣꓴ ꓠ ꓔꓸꓳ ꓫꓵꓽ ꓳꓸ ꓡꓲ ꓘꓳ ꓣꓴ ꓟꓽ ꓐ ꓡ ꓟˍ ꓐꓰ꓾ ꓬꓲ ꓚꓲ ꓛꓬ ꓡꓲꓸ ꓙꓲ ꓔꓲ ꓗꓪ ꓐꓰ ꓙꓲ ꓒꓶꓽ ꓪꓴꓻ ꓓꓳ ꓠ ꓗꓷ ꓡꓰ ꓟ ꓟꓸ ꓟꓲꓽ ꓕꓱ ꓟꓸ ꓖꓶ ꓡ ꓟ ꓥ ꓡꓳ=
“ꓗ ꓑꓲꓹ ꓜꓽ꓾ ꓠꓶꓹ ꓙꓲ ꓓꓳ ꓓꓴ ꓟꓽ ꓙꓳ ꓖꓶ ꓡꓲ-ꓢꓴ ꓛꓲ ꓐꓶ ꓮ ꓔꓲꓸ ꓤꓼ ꓛꓰꓹ ꓟꓸ ꓗꓹ ꓠꓰ ꓸꓸ” ꓐꓯ ꓢꓲꓸ ꓛꓰꓹ ꓟꓸ ꓩꓴ ꓡ ꓟ Tꓯ ꓝꓮꓚꓰꓐꓳꓳꓗ ꓑꓮꓖꓰ ꓗꓪ ꓗꓶ ꓩꓴ ꓡ ꓓꓴ ꓥꓳ=