ꓕ-ꓔ-ꓡ ꓡꓳ ꓒꓱ ꓔꓯ ꓑꓓꓝ ꓡꓰ ꓮ ꓔꓳꓸ ꓛꓴ ꓡꓲꓺ

====================

MWD ꓔꓦ ꓓꓳꓽ ꓗꓪ ꓕ-ꓔ-ꓡ ꓡꓳ ꓒꓱ ꓔꓯ 2021 ꓘꓳꓼ 10 ꓦ 29 ꓠꓬꓲ ꓕꓯꓽ ꓮ ꓔꓳꓸ ꓛꓴ ꓢꓴ ꓐꓴ ꓠꓬ ꓑꓓꓝ ꓐꓴ ꓥ ꓡꓳ ꓐꓰ ꓠꓬꓲꓸ ꓠꓬꓲ 30 ꓠꓬꓲ ꓗꓪ꓾ ꓟꓯꓼ ꓜꓲ ꓜꓳ-ꓟꓰꓹ-ꓕꓴꓸ ꓡꓰ ꓡꓯꓼ ꓥꓰ ꓗꓯꓸ ꓡꓲꓺ ꓩꓴ ꓡ ꓡꓳ꓿

ꓖꓳ ꓡꓱ ꓥ ꓟꓲ “ꓟꓯꓼ ꓘꓶ ꓔꓯ ꓘꓴ ꓠꓬ ꓟꓯꓼ ꓘꓶꓽ ꓛꓲ ꓡ ꓥꓳ꓿ ꓠꓱꓸ ꓐꓯꓼ ꓡꓳ ꓒꓱ ꓐꓴˍ ꓟꓲ ꓕ-ꓔ-ꓡ ꓔꓯ ꓡꓳꓸ ꓠꓬꓲ” ꓐꓯ ꓢꓲꓸ ꓟꓬ-ꓟ ꓟꓯꓼ ꓔꓯ ꓔꓺ ꓘꓶꓽ ꓐꓰ꓾ ꓑ ꓫꓬ ꓔꓯ ꓚꓳꓹ ꓘꓶꓽ ꓔꓯ ꓴꓢꓓꓑ ꓗꓪ ꓟ ꓫꓸ ꓪ ꓕꓱ ꓙꓵꓽ ꓪ ꓙꓳ ꓢꓴ ꓠꓹ-ꓟꓬꓼ-ꓟꓬꓼ ꓟꓲ-ꓟꓲ-ꓜꓳ ꓡꓰ ꓐꓳ ꓡꓳ꓿

ꓝꓮꓲ ꓟꓬ-ꓟ ꓟꓯꓼ ꓡꓰ ꓬꓰ ꓗꓷ ꓟ ꓔꓯ ꓔꓼ-ꓗꓬꓼ-ꓙꓲꓸ ꓒꓳꓸ-ꓢꓲ꓾ ꓧ-ꓥꓰꓹ-ꓳꓸ ꓐꓴ ꓡꓰ ꓕꓱ ꓒꓴ ꓩꓴ ꓡ ꓢꓲꓸ ꓕꓲ ꓟꓲ ꓠꓯ ꓢꓷꓸ ꓡꓰ ꓖꓴꓳ꓿