ꓧꓶꓽ ꓒꓽ ꓡꓰ ꓚꓰꓼ ꓓꓳ ꓩꓴ ꓡ ꓟ ꓠꓺ ꓡꓲ ꓕꓲ ꓙꓵꓹ 600 ꓗꓟ (372 ꓟꓲ) ꓙꓰ ꓐ ꓡ ꓟ ꓧꓳ ꓡꓽ ꓟꓯꓹ-ꓕꓸ ꓕꓲ ꓫꓵꓽ ꓔꓯ 2021 ꓘꓳꓼ 7 ꓦ 20 ꓠꓬꓲ ꓕꓯ ꓟꓳꓸ ꓖꓶ ꓩꓴ ꓡ ꓡꓳ=ꓕꓱ ꓟ ꓔꓯ China Railway Rolling Stock Corporation ꓡꓰ ꓫꓬꓹ ꓔꓸ ꓟ ꓥ ꓢꓲ꓾ ꓟꓯꓹ-ꓡꓯꓼ ꓟꓯꓹ-ꓕꓸ (Maglev Train) ꓐꓰ ꓘꓴ ꓡꓳ= ꓮ ꓔꓳꓸ ꓧꓳ ꓡꓽ ꓢꓯꓼ ꓗꓪ ꓐꓰ ꓙꓰ ꓐ ꓡ ꓟ ꓥ ꓢꓲ꓾ ꓢꓯꓼ ꓒ ꓐꓲ ꓫꓵꓸ ꓚꓳ ꓔꓬ ꓕꓲ ꓑꓹ ꓗꓪ ꓬꓲꓸ ꓗꓶꓸ ꓪꓳꓽ ꓐꓰ ꓙ ꓖꓴ ꓚꓱꓹ ꓠꓬ ꓟꓽ ꓠꓶꓽ ꓡꓯ ꓘꓳ ꓠ ꓫꓬꓹ ꓔꓸ ꓡꓳ ꓐꓯ ꓡꓳ= ꓐꓯ ꓠꓲꓹ ꓫꓵ ꓟ ꓠꓬ ꓟꓲꓽ ꓦꓲ ꓗꓪ ꓐꓬꓱ ꓔꓬ ꓟ ꓐꓬꓱ ꓦꓲ ꓡꓰ ꓐꓰ ꓔꓲꓸ ꓥꓳ= ꓖꓳ ꓟ ꓑꓶꓸ ꓓꓴ ꓕꓱ ꓟ ꓠꓬ ꓚꓰꓼ ꓓꓳ ꓔꓸ ꓟ ꓟꓯꓹ-ꓕꓸ ꓐꓴ ꓗꓪ ꓐꓰ ꓕꓶꓸ ꓡꓳꓹ ꓬꓰ ꓓꓴ ꓟ ꓥꓳ=