Facebook, Whatsapp, Instagram ꓙ ꓡꓯ ꓘꓳ ꓚꓱꓹ ꓕꓱ ꓢ ꓫꓵꓽ ꓠꓬ 2021 ꓘꓳꓼ 10 ꓦ 4 ꓠꓬꓲ ꓟꓬ-ꓟ ꓟꓵꓽ ꓟꓶꓼ ꓘꓶꓼ 10 ꓙꓵꓹ ꓗꓪ ꓐꓰ ꓪꓴꓸ ꓔꓴ ꓢꓲ ꓗꓸ ꓠꓯꓸ ꓕꓲ ꓦꓬꓼ ꓠꓯꓼ 4 ꓙꓵꓹ ꓗꓪ ꓛꓲ ꓜꓱꓽ ꓟꓽ ꓙꓲ ꓬꓰꓳ꓿
ꓕꓱ 3 ꓟ ꓕꓲ ꓡꓰ ꓝꓮꓚꓰꓐꓳꓳꓗ ꓔꓯꓸ ꓟ ꓥ ꓢꓲ꓾ “ꓕꓱ ꓡꓱ ꓗꓷ ꓗꓰ ꓠꓬꓲ ꓖꓽ ꓖꓶ ꓡꓯ” ꓐꓰ ꓙꓼ ꓢꓷꓸ ꓠꓲꓹ ꓔꓯꓸ ꓟꓳꓸ ꓗꓪꓽ ꓫꓵꓽ ꓢꓴ Mike Schroepfer ꓡꓰ ꓐꓯ ꓡꓳ꓿
ꓝꓮꓚꓰꓐꓳꓳꓗ ꓪꓴꓸ ꓔꓴ ꓢꓴ ꓡꓳ ꓑ ꓓꓽ ꓟ ꓜꓴ-ꓗ-ꓐꓼ ꓥ ꓟꓲ꓾ “ꓕꓲ ꓡꓲ ꓜꓱꓽ ꓟꓽ ꓙꓲ ꓡꓰ ꓟ ꓑꓶꓸ ꓓꓴ ꓠꓲꓹ ꓟ ꓟꓽ ꓢ꓿ ꓳꓸ ꓐꓯ ꓖꓶ ꓠꓰ ꓕꓱ ꓕꓲ ꓑꓹ ꓠꓽ ꓜꓱꓽ ꓙꓲ ꓬꓰ ꓪ꓿” ꓐꓰ ꓝꓮꓚꓰꓐꓳꓳꓗ ꓗꓪ ꓐꓳ ꓔꓸ ꓡꓳ꓿
ꓕꓱ ꓟ ꓑꓶꓸ ꓓꓴ ꓜꓴ-ꓗ-ꓐꓼ ꓠꓬ ꓓꓳ-ꓡ 7000 ꓪꓹ (7 ꓐꓲꓡꓡꓲꓳꓠ) ꓞꓳꓸ ꓡꓰꓳ ꓐꓰ news24.com ꓗꓪ ꓐꓳ ꓔ ꓡꓳ꓿
ꓝꓮꓚꓰꓐꓳꓳꓗ ꓠꓬ 2019 ꓘꓳꓼ ꓗꓪ ꓥ ꓟꓲ 14 ꓙꓵꓹ ꓗꓪ ꓛꓲ ꓜꓱꓽ ꓟꓽ ꓙꓲ ꓗ ꓬꓰ ꓠꓬꓲꓳ꓿