ꓕꓲ ꓗꓴꓷꓼ ꓡꓱꓸꓼ ꓟꓯꓼ ꓘꓶꓽ ꓙꓳ ꓡ ꓥꓳ꓾ ꓠꓴꓖ ꓔꓯ ꓪꓳꓽ ꓙ ꓔꓳꓹ ꓙ꓾ ꓗꓲꓳ ꓢꓽ ꓡ ꓙꓵꓽ ꓡꓰ ꓢꓷ ꓙ ꓟꓴ ꓙ

ꓞꓲ ꓠꓲꓹ ꓠꓬ ꓕꓲ ꓗꓴꓷꓼ ꓡꓱꓸꓼ ꓗꓪ ꓟꓯꓼ ꓘꓶꓽ ꓙꓳ ꓡ ꓥꓳ꓾ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓢꓴ ꓟꓬ-ꓟ ꓟꓯꓼ ꓔꓯ ꓬꓲ ꓛꓴ ꓞꓰꓹ ꓡꓰ ꓗꓪ ꓛꓲ ꓔꓳꓼ ꓠꓹ ꓟ ꓮ ꓙꓵꓽ ꓢꓴ ꓠꓲꓹ ꓧꓳꓹ ꓠꓯˍ ꓡꓳ꓾ ꓒꓳꓹ ꓔꓳꓹ ꓜꓴ ꓮ ꓙꓵꓽ ꓠꓬ ꓠꓴꓖ ꓔꓯ ꓪꓳꓽ ꓙ ꓔꓳꓹ ꓙ ꓠꓯˍ ꓡꓳ ꓐꓰ꓾ 61 ꓘꓳꓼ ꓗ-ꓛꓲ ꓒꓳꓹ ꓔꓳꓹ ꓦꓬꓼ ꓠꓬꓲ ꓗꓪ ꓗꓲꓳ ꓢꓽ ꓡ ꓙꓵꓽ ꓲ-ꓐ-ꓡꓼ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

ꓟꓬ-ꓟ ꓟꓯꓼ ꓐꓴ ꓡꓰ ꓖꓶꓽ ꓔꓬ ꓟ ꓶꓼ ꓛꓳ ꓫꓱꓸ ꓛꓳ ꓚꓱꓹ ꓮ ꓙꓵꓽ ꓠꓬ ꓕꓲ ꓑꓹ ꓤꓼ ꓐꓱ ꓶ ꓡꓰꓽ ꓥ ꓟ ꓢꓷꓸ ꓡ ꓕꓲ ꓠꓬꓲ ꓖꓼ ꓟꓽ ꓟꓶꓳ꓾ ꓮ ꓟꓶ ꓟꓬ-ꓟ ꓟꓯꓼ ꓔꓯ ꓔꓳꓹ ꓔꓬ ꓟ ꓬꓲꓸ ꓜꓴ ꓬꓲꓸ ꓒꓳ ꓮ ꓙꓵꓽ ꓠꓬ ꓮ ꓬꓲꓼ ꓠꓬꓲ ꓤ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓒꓳꓹ ꓔꓳꓹ ꓢꓴ ꓮ ꓙꓵꓽ ꓠꓬ ꓠꓴꓖ ꓔꓯ ꓪꓳꓽ ꓙ ꓔꓳꓹ ꓙ ꓠꓯˍ ꓡꓳ꓾ ꓐꓰ ꓐꓯ ꓔ ꓡꓳ꓿

ꓚꓲ ꓛꓬ ꓔꓬ ꓟ ꓟꓵꓽ ꓗꓪ ꓜꓽ ꓓꓴ ꓓꓳ ꓓꓴ ꓙ ꓖꓶ ꓠꓹ ꓟ ꓐꓰ꓾ ꓟꓬ-ꓟ ꓟꓯꓼ ꓔꓯ ꓪꓽ ꓢꓲꓸ ꓚꓲꓸ ꓛꓬ ꓙꓲ ꓖꓴ ꓧꓪ ꓢꓴ ꓟꓽ ꓬꓰ ꓠꓹ ꓟ ꓙꓳꓺ ꓗꓽ ꓔꓸ ꓡꓳ꓿