ꓕꓲꓸ-ꓙꓮꓲꓼ ꓙ ꓖꓴ ꓑꓲꓸ ꓩꓴꓳ

ꓟꓶ-ꓚꓲ-ꓠ ~ ꓟ-ꓓꓲ-ꓡꓲ ꓙ ꓖꓴ ꓗꓪ ꓙꓳˍ ꓟ ꓕꓲꓸ-ꓙꓮꓲꓼ ꓡꓳ ꓒꓱ ꓗꓪ ꓟꓯꓼ ꓓꓶꓽ ꓡꓯ ꓘꓳ ꓔꓬ ꓠꓬꓲ꓾ 2023 ꓘꓳꓼ 11 ꓦ 10 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓙ ꓖꓴ ꓑꓲꓸ ꓩꓴꓳ꓿

“ꓕꓲꓸ-ꓙꓮꓲꓼ ꓚꓱꓹ ꓟ ꓑꓲꓸ ꓩꓴꓳ꓿ ꓮ ꓟꓶ ꓫꓱ-ꓐꓳ ꓚꓱꓹ ꓗꓪ ꓚꓳꓻ ꓢꓲꓸ ꓙꓰ ꓠꓬꓹ ꓥ꓿ ꓙꓰ ꓑꓶꓸ ꓢꓴ ꓮ ꓘꓶꓸ ꓟꓽ ꓙꓳ꓿” ꓐꓰ ꓟꓶ-ꓚꓲ-ꓠ ꓟꓲꓼ-ꓒꓲꓮꓹ-ꓯ-ꓬ ꓟꓳ ꓓꓳ ꓠꓽ ꓔꓶꓸ ꓗꓪ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿

ꓢꓲ-ꓗꓮꓲꓹ ꓟꓵꓽ ꓫꓴ ꓗꓪ ꓗꓳ-ꓡꓲꓹ ꓡꓳ ꓒꓱ ꓔꓯ ꓑ ꓫꓬ ꓟꓯꓼ ꓜꓴ ꓐꓴ ꓡꓰ ꓣꓴ ꓪ ꓡꓰꓳ ꓐꓯ ꓟ ꓗꓪ ꓐꓰ ꓮ ꓟꓶ ꓕꓲꓸ-ꓙꓮꓲꓼ ꓗꓪ ꓟꓯꓼ ꓘꓶꓽ ꓮ ꓘꓶꓸ ꓠꓯꓸ ꓡ ꓔꓬ ꓟ ꓥ ꓡꓳ꓿

ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓙꓱ ꓦꓲ ꓚꓱꓹ ꓥ ꓟꓲ ꓪꓴꓻ ꓪ ꓫꓸ ꓟ ꓡꓰ ꓟꓽ ꓞꓲ ꓜꓶꓽ ꓒꓵꓽ ꓓꓯꓻ ꓙꓰ ꓢꓲ꓾ ꓟꓳ ꓓꓳ ꓙ ꓖꓴ ꓥ ꓟꓲ ꓑꓲꓸ ꓞꓲꓽ ꓡ ꓔꓬ ꓠꓬꓲ ꓓꓵꓽ ꓓꓳ ꓢꓴ ꓐꓴ ꓐꓱ ꓶ ꓬꓰ ꓫꓸ ꓓꓴ ꓙꓳ ꓡ ꓔꓬ ꓡꓳ꓿