ꓕꓮꓲꓹ ꓟꓵꓽ ꓗꓪ ꓐꓰꓐꓫꓬꓹ ꓓꓳ ꓩꓴ ꓡ ꓢꓲ꓾ ꓟꓬ-ꓟ ꓗꓴꓷꓼ ꓗꓪ ꓟꓬꓱꓺ ꓓꓳꓽ ꓙꓳˍ ꓟ ꓕꓮꓲ, ꓬ-ꓔꓯꓼ (ꓡ ꓟ) ꓠꓯ ꓞꓲꓼ ꓠꓬ ꓜꓲꓽ ꓒꓴꓽ ꓐꓬ ꓡꓰ ꓝꓲ ꓥ꓾ ꓜꓽ ꓓꓳ ꓟꓽ ꓓ ꓐꓰ ꓕꓮꓲꓹ ꓠꓯ ꓞꓲꓼ ꓐꓰ ꓜꓽ ꓫꓵꓽ ꓔꓯ ꓗꓪꓽ ꓫꓵꓽ ꓜꓴ (ꓝꓓꓮ) ꓡꓰ ꓐꓯ ꓡꓳ꓿
ꓞꓲ ꓝꓲꓸ ꓡꓯꓼ ꓝꓲꓸ ꓘꓳꓼ ꓢꓴ ꓐꓴ ꓮ ꓘꓶꓸ ꓣꓱꓽ ꓔꓬ ꓟ ꓠꓯ ꓞꓲꓼ ꓕꓱ ꓟ ꓫꓬꓹ ꓩꓴ ꓡ ꓔꓶꓸ ꓬꓲꓸ ꓚꓰ ꓗꓰ ꓚꓲꓸ ꓚ ꓙꓰ ꓕꓯꓽ steroids ꓐꓰ pain killer ꓠꓯ ꓞꓲꓼ ꓬꓲꓸ ꓟꓶ ꓬꓲꓸ ꓙꓲꓽ ꓗꓶꓺ ꓫꓳꓹ ꓔꓸ ꓟ ꓔ ꓕꓮꓲꓹ ꓝꓓꓮ ꓡꓰ ꓧꓪ ꓟꓶˍ ꓟ ꓥ ꓡꓳ꓿
ꓕꓮꓲ, ꓬ-ꓔꓯꓼ (ꓡ ꓟ) ꓠꓯ ꓞꓲꓼ ꓕꓲꓽ ꓕꓴꓽ ꓗꓪ steroids 70 ꓢꓶꓽ ꓐꓰ꓾ pain killer 30 ꓢꓶꓽ ꓫꓳꓹ ꓗꓶꓺ ꓔꓸ ꓠꓬꓲ꓾ ꓜꓽ ꓕꓲ ꓑꓹ ꓠꓬ ꓡꓽ ꓟꓶꓽ ꓫꓬꓹ ꓡꓰ ꓓ ꓡ ꓪ ꓡꓰ ꓔꓸ ꓢꓲꓸ ꓗꓸ ꓠꓯꓸ ꓠꓬ ꓳꓸ ꓡꓲ ꓔꓲꓸ ꓠꓻ ꓡꓲꓼ ꓡˍ ꓟ ꓥ ꓡꓳ꓿
ꓠꓯ ꓞꓲꓼ ꓕꓱ ꓟ ꓟꓶ ꓫꓵ ꓫꓵ ꓓꓳ ꓢꓴ ꓠꓬ꓾ ꓛꓲ ꓝꓲꓸ ꓡꓯꓼ ꓝꓲꓸ ꓘꓳꓼ ꓠꓻ ꓓ ꓡꓰ ꓓꓴ ꓠꓬ ꓟꓽ ꓙꓳ ꓡ ꓢꓲ꓾ ꓜꓲꓽ ꓒꓴꓽ ꓐꓬ ꓡꓰ ꓡ ꓓꓴ ꓙꓳˍ ꓠꓬꓲ꓾ ꓤ ꓟꓳ ꓓꓴ ꓙꓳˍ ꓡꓳ ꓐꓯ ꓡꓳ꓿