ꓕꓮꓲꓹ ꓟꓵꓽ ꓬꓲ ꓡꓴꓽ ꓐꓱ ꓗꓪ ꓬꓯꓼ-ꓠ ꓧꓳꓸ ꓬꓰꓳ

ꓕꓮꓲꓹ ꓟꓵꓽ ꓐꓶꓽ ꓓꓳ ꓕꓲ ꓒꓳꓹ ꓬꓲ ꓡꓴꓽ ꓐꓱ ꓘꓶꓽ Mae Ramphueng ꓗꓪ ꓬꓯꓼ-ꓠ ꓧꓳꓸ ꓡꓰ ꓢꓲꓸ ꓙꓲ ꓣꓴ ꓓꓴ ꓙꓳˍ ꓟ ꓟꓵꓽ ꓢꓪꓼ ꓢꓲꓸ ꓢꓷ ꓙ ꓟꓴ ꓙ ꓔ ꓡꓳ꓿

ꓬꓲ ꓡꓴ ꓐꓱ ꓘꓴꓽ ꓗꓪ ꓔꓵꓸ ꓔꓸ ꓟ ꓢꓣꓑꓚ- Star Petroleum Refining Public Company Ltd ꓗꓳ-ꓑꓶ-ꓠꓲ ꓬꓯꓼ-ꓠ ꓕꓴꓽ ꓗꓪ ꓐꓰ ꓜꓲꓻ ꓧꓳꓸ ꓡ ꓢꓲ꓾ ꓬꓲ ꓡꓴ ꓐꓱ ꓘꓶ ꓗꓪ ꓛꓲ ꓠꓯ ꓓꓶꓼ ꓓꓶꓼ ꓗꓷ ꓡꓰ ꓟ ꓥ ꓡꓳ꓿

ꓬꓲ ꓡꓴ ꓐꓱ ꓘꓶꓽ ꓗꓪ ꓐꓰ ꓟꓲꓺ 12 ꓕꓶꓹ ꓶˍ ꓟ ꓗꓪ ꓬꓯꓼ-ꓠ ꓕꓴꓽ ꓑꓳꓺ ꓡꓰ ꓢꓲ꓾ ꓬꓯꓼ-ꓠ 13200 ꓖ-ꓡ ꓬꓲ ꓡꓴꓽ ꓐꓱ ꓬꓲ ꓙꓬ ꓗꓪ ꓫꓳꓹ ꓓꓵꓽ ꓡꓰ ꓟ ꓥ ꓡꓳ꓿

ꓕꓮꓲꓹ ꓬꓲ ꓙꓬ ꓟꓯꓼ ꓐꓴ ꓐꓰ꓾ ꓢꓣꓑꓚ ꓪꓽ ꓤꓽ ꓐꓴ ꓠꓬ ꓬꓲ ꓡꓴꓽ ꓐꓱꓽ ꓢꓲꓽ ꓫꓬ ꓟꓬꓱꓽ ꓮ ꓘꓶꓸ ꓢꓯꓼ ꓕꓵꓼ ꓔꓬ ꓡꓳ꓿

ꓬꓲ ꓚꓰ꓾ ꓦꓳꓮ