ꓕꓮꓲꓹ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓑꓯ-ꓔꓳ-ꓔ ꓕꓲꓽ ꓑꓹ ꓤꓼ ꓠꓽ ꓬꓰ ꓢꓲꓸ ꓢꓴ-ꓣꓲ-ꓬ ꓓꓯꓻ ꓡ

ꓟꓲꓸ ꓟꓲ 2025 ꓘꓳꓼ 7 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓕꓮꓲꓹ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓑꓯ-ꓔꓳ-ꓔ ꓬꓲꓸ ꓟꓬꓱꓽ ꓗꓪ ꓐꓰ ꓕꓲꓽ ꓑꓹ ꓤꓼ ꓠꓽ ꓬꓰꓳ꓿

ꓬꓲꓸ ꓔꓯ ꓗꓴꓷꓼ ꓙꓵꓽ ꓗ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓫꓵꓽ ꓪꓴ ꓚꓲꓸ ꓚ ꓔꓬ ꓟ ꓕꓲꓽ ꓙꓵꓹ ꓗꓪ꓾ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲ ꓓꓽ ꓟ ꓠꓬꓲ ꓖꓴ ꓐꓱ ꓶ ꓬꓲꓸ ꓬꓲ ꓛꓵ ꓠꓬ ꓢꓴ-ꓣꓲ-ꓬ ( Suriya Jungrungreangkit) ꓐꓯ ꓢꓴ ꓠꓱꓸ ꓐꓯꓼ ꓕꓲꓽ ꓣꓳ ꓓꓯꓻ ꓡ ꓡꓳ꓿

ꓕꓮꓲ ꓐꓰ ꓗ-ꓐꓳ-ꓓꓲ-ꓬ ꓟꓵꓽ ꓘꓶꓽ ꓫꓵꓽ ꓪꓴ ꓔꓯ ꓟꓳꓸ ꓖꓪ ꓙꓱ ꓟ ꓗꓪ ꓑꓯ-ꓕꓳ-ꓔ ꓠꓬ ꓫꓸ ꓪ ꓕꓱ ꓥꓳꓽ ꓡꓰꓳ ꓐꓯ ꓢꓲꓸ ꓬꓲꓸ ꓪ ꓗꓴꓷꓼ ꓙꓵꓽ ꓗ ꓔꓯ ꓘꓱꓻ ꓡꓰꓳ ꓐꓰ  ꓗꓳꓹ ꓢꓴ ꓙꓳˍ ꓟ ꓑꓶꓸ ꓓꓴ꓾ ꓕꓱ ꓟ ꓔꓯ ꓗꓴꓷꓼ ꓙꓵꓽ ꓗ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓝꓴꓲꓸ ꓙꓳ/ ꓟꓽ ꓙꓳ ꓚꓲꓸ ꓚ ꓔꓬ ꓕꓲ ꓝꓲꓸ ꓗꓪ ꓬꓲꓸ ꓟꓬꓱꓽ ꓗꓪ ꓐꓰ ꓠꓽ ꓔꓸ ꓠ ꓗꓷ ꓡꓰ ꓟ ꓥ ꓡꓳ꓿

ꓕꓮꓲ ꓗꓴꓷꓼ ꓗꓪ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓦꓴ ꓠꓹ ꓟ ꓢꓯꓼ ꓖꓶ ꓢꓴ ꓙꓳˍ ꓥ ꓟꓲ ꓩꓳ ꓡꓳ꓿