ꓔ-ꓛꓰ-ꓡꓲꓼ ꓗꓪ ꓦꓲ ꓮ ꓘꓶꓸ ꓞꓻ ꓡ꓾ ꓚꓴꓸ ꓠꓬꓲ ꓠꓬ ꓟꓴꓽ ꓘꓴꓽ ꓓꓳ ꓡ

ꓟꓬ-ꓟ ꓗꓴꓷꓼ꓾ ꓐꓶ-ꓬꓲ ꓟꓵꓽ꓾ ꓔ-ꓛꓰ-ꓡꓲꓼ ꓡꓳ ꓒꓱ꓾ ꓢ-ꓢꓮꓲꓹ (ꓗꓼ)꓾ ꓑꓲ-ꓜ ꓪꓴꓽ ꓔꓶꓸ ꓦꓲ ꓙꓱ ꓘꓪꓺ ꓗꓪ ꓠꓬꓹ ꓟꓽ ꓓ ꓗꓪ ꓛꓲ ꓞꓻ ꓢꓯꓼ ꓙꓳ ꓡ ꓠꓬꓲ꓾ ꓚꓴꓸ ꓠꓬꓲ ꓠꓬ ꓟꓴꓽ ꓘꓴꓽ ꓓꓳ ꓡ ꓡꓳ꓾ ꓐꓯ ꓡꓳ꓿

ꓞꓻ ꓢꓯꓼ ꓠꓬ 7 ꓦ 26 ꓠꓬꓲ ꓠꓯꓼ ꓝꓲꓸ ꓗꓪ ꓐꓰ ꓞꓻ ꓪꓴꓸ ꓔꓴ ꓡ ꓢꓲꓸ ꓠꓬꓲꓸ ꓠꓬꓲ 27 ꓠꓬꓲ ꓕꓯꓽ ꓚꓴꓸ ꓠꓬꓲ ꓗꓷˍ ꓟ ꓥ ꓡꓳ꓿

ꓮ ꓔꓳꓸ ꓟꓴꓽ ꓘꓴꓽ ꓡꓰꓳ ꓫꓵꓽ ꓓꓳ ꓡ ꓔꓬ ꓠꓬꓲ ꓚꓴꓸ ꓠꓽ ꓔꓸ ꓢꓲꓸ ꓟꓲ ꓠꓯ ꓚꓱꓹ ꓔꓯ ꓟꓳꓸ ꓢꓷꓸ ꓢꓴ ꓐꓴ ꓡꓰ ꓚꓹ ꓠꓬꓲ ꓠꓹ ꓟ ꓡꓳꓸ ꓔꓬ ꓡꓳ꓾ ꓐꓯ ꓡꓳ꓿

ꓮ ꓔꓳꓸ ꓑꓳꓺ ꓢꓰꓸ ꓡ ꓔꓳꓼ ꓥ ꓢꓶ? ꓥ ꓠꓬꓹ ꓣꓱꓽ ꓙꓳˍ ꓟ ꓮ ꓔꓳꓸ ꓟꓴꓽ ꓘꓴꓽ ꓥ ꓢꓶ? ꓐꓰ ꓓꓵꓽ ꓙ ꓟꓶ ꓔꓬ ꓡꓳ꓿