ꓗꓴꓷꓼ ꓢꓲ ꓡꓲꓹ ꓡ ꓠꓹ ꓟ ꓚꓱꓹ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓺ ꓙꓲꓽ ꓙꓳˍ ꓢꓴ ꓮ ꓙꓵꓽ ꓔꓯ ꓘꓴ ꓠꓹ ꓟ ꓞꓳ ꓫꓵꓽ ꓡꓳ ꓚ ꓑꓳ ꓔꓯꓹ ꓟꓯꓼ 3 ꓜꓴ ꓪꓽ ꓡꓯ ꓘꓳ ꓢꓲꓸ ꓟꓯꓼ ꓗꓳ-ꓢꓰ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 9 ꓠꓬꓲ ꓗꓪ ꓕꓳ ꓶ ꓕꓲ ꓚꓴꓸ ꓐꓳ ꓩꓴ ꓡ ꓡꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓘꓴˍ ꓟ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓽ ꓔꓺ ꓐꓰ ꓐꓯ ꓗꓷ ꓟ ꓗꓠꓴ꓾ ꓗꓠꓑꓑ꓾ ꓚꓠꓝ 3 ꓜꓴ ꓪꓽ ꓢꓲꓸ ꓐꓳ ꓩꓴ ꓡ ꓟ ꓥ ꓡꓳ꓿
“ꓟꓯꓼ ꓗꓳ-ꓢꓰ ꓡꓰ ꓟꓯꓼ ꓢꓰꓼ ꓔꓬ ꓟ ꓮ ꓙꓵꓽ ꓠꓽ ꓩꓴ ꓢꓲ꓾ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓺ ꓙꓲꓽ ꓙꓳ ꓢꓴ ꓮ ꓙꓵꓽ ꓔꓯ ꓔꓺ ꓝꓲ ꓠꓹ ꓟ꓾ ꓝꓮꓲ ꓟꓯꓼ ꓘꓰꓹ ꓑ ꓫꓬ ꓐꓴ ꓔꓯ ꓬꓰ ꓙ ꓚꓱꓹ ꓠꓲꓹ ꓞ ꓬꓰ ꓠꓹ ꓟ ꓬꓲꓸ ꓝꓺ ꓓꓽ ꓟ 3 ꓘꓶꓽ ꓐꓯ ꓔꓸ ꓡꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓠꓬ ꓠꓡꓓ꓾ ꓠꓴꓚꓚ꓾ ꓠꓴꓖ꓾ ꓑꓓꓝ ꓐꓴ ꓔꓯ ꓟꓽ ꓘꓴ ꓘꓴ ꓗꓴꓷꓼ ꓢꓲ ꓡꓲꓹ ꓡ ꓚꓱꓹ ꓖꓪ꓿ ꓙꓱ ꓜꓲꓼ ꓓꓴ ꓬꓰ ꓠꓹ ꓟ ꓙꓽ ꓖꓶ ꓔꓬ ꓟ ꓥ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓗꓪ 9 ꓜꓴ ꓔꓺ ꓠꓹ ꓟ ꓪꓽ ꓗꓷꓳ ꓐꓯ ꓥ ꓟꓲ ꓖꓳ 9 ꓜꓴ ꓠꓬ ꓡꓽ ꓛꓴꓸ ꓕꓲ ꓕꓷꓹ ꓡꓲꓸ ꓟꓽ ꓐꓶ ꓡꓯꓽ ꓘꓳ ꓔꓬ ꓢꓴ ꓜꓴ ꓐꓴ ꓥ ꓡꓳ꓿
“ꓬꓲꓸ ꓚꓽ ꓢꓲ ꓡꓲꓹ ꓝꓲ ꓓꓴ ꓐꓯˍ ꓠꓬ꓾ ꓟꓲ ꓠꓯ ꓗꓴꓷꓼ ꓜꓴ ꓝꓲ ꓓꓴ ꓐꓴ꓾ ꓗꓴꓷꓼ ꓘꓴꓽ ꓗꓪ ꓟ ꓞꓳ ꓪꓴꓽ ꓞꓳ ꓟ ꓐꓴˍ ꓐꓰ꓾ ꓑ-ꓔꓲ ꓐꓴ꓾ ꓑꓳꓺ ꓔꓯꓹ ꓟꓯꓼ ꓮ ꓙꓵꓽ ꓜꓲꓼ ꓠ ꓔꓸ ꓥ” ꓐꓰ ꓑꓳꓺ ꓔꓯꓹ ꓟꓯꓼ 3 ꓜꓴ ꓪꓽ ꓢꓲꓸ ꓐꓯ ꓩꓴ ꓡ ꓟ ꓕꓳ ꓶ ꓗꓪ ꓟꓳꓸ ꓖꓶ ꓔꓸ ꓡꓳ꓿
ꓮ ꓟꓶ ꓟꓽ ꓓ ꓔꓳꓼ ꓡꓯ ꓘꓳ ꓔꓬ ꓟ ꓜꓴ ꓐꓴ ꓠꓬ꓾ ꓗꓲꓮ꓾ ꓗꓠꓴ꓾ ꓗꓠꓑꓑ꓾ ꓚꓠꓖ꓾ ꓑꓓꓝ ꓐꓴ ꓥ ꓢꓴ꓾ ꓖꓳ ꓟ ꓠꓬ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓽ ꓜꓲꓼ ꓐꓯˍ ꓠꓬꓲ꓾ ꓗꓴꓷꓼ ꓢꓲ ꓡꓲꓹ ꓡ ꓚꓱꓹ ꓟꓽ ꓙꓳ ꓢꓰꓽ꓿