ꓔꓶ-ꓠ ꓢꓷ ꓠꓲꓹ ꓢꓳ ꓦꓲ ꓗꓪ ꓗꓳ-ꓪꓰꓼ ꓠ ꓢꓴ ꓙꓳ ꓡ ꓠꓬꓲ꓾ ꓢꓳ ꓒ ꓢꓳ ꓟ ꓮ ꓙꓵꓽ ꓔꓯ ꓚꓹ ꓖꓶ ꓔꓬ

ꓗ-ꓛꓲ ꓟꓵꓽ꓾ ꓔꓶ-ꓠ ꓡꓳ ꓒꓱ꓾ ꓢꓷ ꓠꓲꓹ ꓢꓳ ꓦꓲ ꓮ-ꓕꓼ-ꓗꓼ (1) ꓗꓪ ꓟ ꓢꓳ ꓒꓽ ꓢꓳ ꓟ (4) ꓣꓳ ꓐꓰ꓾ ꓟꓸ ꓟ (1) ꓣꓳ ꓔꓯ ꓗꓳ-ꓪꓰꓼ ꓠꓻ ꓚꓲꓸ ꓚ ꓟꓶ ꓡꓰ ꓟ ꓑꓶꓸ ꓓꓴ꓾ ꓠꓬꓲꓸ ꓠꓬꓲ 2021 ꓘꓳꓼ 11 ꓦ 22 ꓠꓬꓲ ꓗꓪ ꓠꓬ ꓢꓳ ꓒ ꓢꓳ ꓟ ꓐꓰ ꓟꓸ ꓒ ꓟꓸ ꓟ ꓮ ꓙꓵꓽ ꓢꓴ ꓔꓯ ꓗꓳ-ꓪꓰꓼ ꓚꓲꓸ ꓚ ꓖꓶꓽ ꓔꓬ ꓡꓳ=

9 ꓔꓸ ꓗꓪ ꓢꓳ ꓔꓬ ꓢꓴ ꓢꓳ ꓒꓽ (3) ꓣꓳ꓾ 7 ꓔꓸ ꓗꓪ ꓢꓳ ꓔꓬ ꓢꓴ ꓢꓳ ꓟ (1) ꓣꓳ ꓐꓰ꓾ ꓟꓸ ꓟ (1) ꓣꓳ ꓔꓯ ꓗꓳ-ꓪꓰꓼ ꓧꓪ ꓟꓶ ꓔꓸ ꓡꓳ ꓐꓰ ꓓꓳꓽ ꓜꓳ ꓡ ꓡꓳ=

2021 ꓘꓳꓼ 11 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓢꓷ ꓠꓲꓹ ꓙꓳꓥꓽ ꓦꓲ ꓔꓯ ꓟꓯꓼ ꓙꓵꓽ ꓢꓴ ꓐꓴ ꓙꓵꓽ ꓪ ꓗꓪ ꓐꓰ ꓒꓴ ꓔꓬ ꓟ ꓥ ꓢꓲ꓾ ꓙꓳꓥꓽ ꓖꓳ ꓟ ꓗꓪ 1736 ꓣꓳ ꓕꓳ ꓶ ꓢꓳ ꓔꓬ ꓡꓳ=

ꓢꓳꓴꓣꓚꓰꓽ ꓢꓧ ꓟꓰꓓꓲꓮ ꓖꓣꓳꓴꓑ