2024 ꓘꓳꓼ 1 ꓦ 29 ꓠꓬꓲ ꓟꓳꓼ ꓡꓳ ꓒꓳꓹ 2 ꓙꓵꓹ ꓗꓪ꓾ ꓗ-ꓬꓲ ꓟꓵꓽ꓾ ꓔꓲ-ꓖ-ꓥꓰ-ꓠꓮꓳꓽ ꓗꓪ ꓒꓳꓹ ꓔꓳꓹ ꓟꓯꓼ ꓐꓴ ꓡꓰ ꓟꓬ-ꓟ ꓟꓯꓼ ꓙꓱ ꓦꓲ ꓑꓳꓼ ꓡꓳꓼ ꓕꓲꓽ ꓢꓶꓽ ꓐꓶ ꓞꓰ ꓩꓴ ꓡ ꓢꓲ꓾ ꓟꓯꓼ ꓜꓲꓽ 5 ꓣꓳ ꓛꓲ ꓫꓵꓻꓳ꓾ ꓐꓰ ꓓꓳꓽ ꓜꓳˍ ꓡꓳ꓿
ꓫꓵꓻ ꓢꓴ ꓗꓪ ꓔꓼ ꓟꓽ ꓧꓽ (44) ꓧꓳꓽ ꓢꓴ ꓟꓯꓼ ꓜꓲꓽ ꓗꓽ ꓯꓸ-ꓟꓰꓹ-ꓠꓮꓳꓽ꓾ ꓙꓱ ꓦꓲ ꓑꓳꓼ ꓡꓳꓼ ꓫꓵꓸ ꓒ ꓐꓰ ꓖꓳ ꓗꓪ ꓜꓶꓽ ꓔꓺ ꓔꓬ ꓢꓴ ꓟꓯꓼ ꓜꓲꓽ (5) ꓣꓳ ꓛꓲ ꓫꓵꓻꓳ ꓐꓯ ꓡꓳ꓿
ꓒꓳꓹ ꓔꓳꓹ ꓟꓯꓼ ꓗꓪ ꓟ ꓡꓽ ꓛꓴꓸ ꓐꓶ ꓜꓯꓼ ꓘꓴ ꓒꓽ (sniper) ꓡꓰ ꓐꓶ ꓩꓴ ꓡ ꓟ ꓡ ꓛꓴꓸ ꓑꓳ ꓡꓳ ꓠꓬ ꓙꓱ ꓦꓲ ꓫꓵꓸ ꓒꓽ ꓔꓯ ꓜꓯꓼ ꓡꓰ ꓟ ꓑꓶꓸ ꓓꓴ ꓟꓯꓼ ꓓꓼ 355/356 ꓠꓬꓲꓽ ꓗꓴꓸ ꓚꓸ ꓟꓵꓽ ꓕꓲ ꓖ ꓗꓪ ꓞꓰ ꓓꓳꓽ ꓬꓰ ꓟ ꓥ ꓡꓳ꓾ ꓐꓯ ꓡꓳ꓿
Photo-CJ