At least 50 people found dead in abandoned 18-wheeler in San Antonio
2022 ꓘꓳꓼ 6 ꓦ 28 ꓠꓬꓲ ꓕꓯꓽ ꓴꓢꓮ ꓗꓴꓷꓼ꓾ ꓔꓮꓫꓮꓢ ꓟꓵꓽ ꓫꓴ꓾ San Antonio ꓡꓳ ꓒꓱ ꓗꓪ ꓟꓳ ꓓꓳ ꓶ ꓤ ꓚꓰꓹ ꓗꓹ ꓘꓴꓽ ꓗꓪ ꓡꓴꓽ ꓢꓲꓸ ꓚꓰꓹ ꓧꓳꓽ ꓡ ꓢꓴ ꓬꓯꓽ ꓐꓯꓽ 46 ꓣꓳ ꓫꓵꓻ ꓟꓳ ꓧꓪ ꓟꓶ꓾ 16 ꓣꓳ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰꓳ ꓐꓰ ꓟꓯꓼ ꓑꓳ-ꓡꓲ ꓐꓴ ꓡꓰ ꓐꓯˍ ꓡꓳ꓿
ꓬꓲꓸ ꓪ ꓠꓬ ꓴꓢꓮ ꓗꓴꓷꓼ ꓗꓪ ꓘꓴꓽ ꓓꓵꓽ ꓡ ꓢꓴ ꓐꓴ ꓥ ꓡꓲꓸ ꓟꓽ ꓢꓷꓸ ꓐꓰ ꓬꓲꓸ ꓪꓴꓸ ꓢꓪꓼ ꓔꓬ ꓡꓳ꓿
“ꓕꓱ ꓟ ꓠꓬ ꓞꓳ ꓤ ꓫꓸ ꓘꓶꓻ ꓟꓶꓽ ꓘꓶꓻ ꓕꓲ ꓟ ꓗ ꓬꓰꓳ” ꓐꓰ San Antonio ꓡꓳ ꓒꓱ ꓙꓵꓽ ꓒꓽ Mayor Ron Nirenberg ꓡꓰ ꓐꓯ ꓡꓳ꓿
ꓑꓳ-ꓡꓲ ꓟꓯꓼ ꓐꓴ ꓔꓯ ꓡ ꓞꓳ ꓕꓲ ꓣꓳ ꓡꓰ ꓓꓳꓽ ꓜꓳ ꓖꓶꓽ ꓡ ꓠꓬꓲ ꓚꓲꓸ ꓚ ꓟꓶ ꓡꓰ ꓟ ꓡꓳ꓿ ꓶ ꓤ ꓚꓰꓹ ꓗꓳꓹ ꓘꓴꓽ ꓗꓪ ꓟꓽ ꓫꓵꓻ ꓫꓵꓻ ꓢꓯꓸ ꓔꓬ ꓢꓴ ꓐꓴ ꓥ ꓟꓲ ꓙ ꓖꓴ ꓫꓱꓽ ꓟꓽ ꓐ ꓡ ꓗꓪ ꓛꓲ ꓢꓯꓼ ꓐꓽ ꓔꓬ ꓟ ꓡꓳꓸ ꓟꓳˍ ꓡꓳ꓿
ꓮ ꓟꓶ ꓕꓱ ꓕꓲ ꓝꓲꓸ ꓠꓬ ꓡꓳ ꓒꓱ ꓖꓳ ꓟ ꓗꓪ ꓮ ꓘꓶꓸ ꓞꓻ ꓔꓬ ꓢꓲ꓾ ꓟꓳ-ꓓꓳ ꓘꓴꓽ ꓗꓪ ꓟꓲꓽ ꓦꓲ ꓛꓵꓼ ꓢꓯꓼ ꓙꓼ ꓔꓶꓺ ꓔꓸ ꓥ ꓟꓲ꓾ ꓬꓲꓸ ꓟꓬꓱꓽ ꓟꓽ ꓬꓰ ꓟ ꓑꓶꓸ ꓓꓴ ꓢꓯꓼ ꓦ ꓓꓴ ꓟꓽ ꓙꓳ꓾ ꓞ ꓑꓴꓸ ꓢꓰꓼ ꓟ ꓥ ꓡꓲꓸ ꓟꓽ ꓢꓷꓸ ꓐꓰ ꓟꓯꓼ ꓐꓴ ꓠꓰ ꓢꓪꓼ ꓠꓬꓲ ꓔꓬ ꓡꓳ꓿ ꓢꓯꓸ ꓔꓬ ꓢꓰꓽ ꓢꓴ ꓐꓴ ꓔꓯ ꓠꓻ ꓫꓬꓹ ꓓꓳ ꓡꓰ ꓟꓶ ꓕꓱꓼ ꓟꓯꓼ ꓐꓴ ꓡꓰꓽ ꓡꓯ ꓫꓵ ꓚꓲꓸ ꓚ ꓓꓴ ꓙ ꓖꓶ ꓔꓬ ꓡꓳ꓿
ꓕꓱ ꓕꓲ ꓧꓪꓹ ꓠꓬ ꓬꓯ ꓐꓯꓽ ꓚꓲꓸ ꓡ ꓢꓴ ꓐꓴ ꓟꓽ ꓓ ꓫꓵꓻˍ ꓟ ꓕꓲꓽ ꓧꓪꓹ ꓥ ꓢꓲ꓾ 2017 ꓘꓳꓼ ꓗꓪ ꓥ ꓟꓲ 39 ꓣꓳ꓾ 2003 ꓘꓳꓼ ꓗꓪ ꓥ ꓟꓲ 19 ꓣꓳ ꓫꓵꓻ ꓟꓳ ꓧꓪ ꓟꓶˍ ꓟ ꓥ ꓡꓳ꓿
ꓬꓲꓸ ꓚꓰ꓾ The Texas Tribune