ꓔꓡꓚꓚ ꓜꓽ ꓓꓴ ꓓꓳ ꓓꓴ ꓪꓴꓽ ꓑꓮꓲ

ꓡ ꓠꓹ ꓟ 2021 ꓘꓳꓼ 10 ꓦ 31 ꓠꓬꓲ ꓗꓪ ꓔꓡꓚꓚ- Texas Lisu Christian Church ꓗꓪ ꓜꓽ ꓓꓴ ꓓꓳ ꓓꓴ ꓪꓴꓽ ꓑꓮꓲ ꓕꓲ ꓟ ꓣꓱꓽ ꓬꓰ ꓓꓴ ꓙꓽ ꓖꓶ ꓔꓬ ꓡꓳ꓿

“ꓪ ꓘꓴ ꓦꓲ ꓟ ꓮ ꓟꓶ ꓗꓪ ꓛꓲ ꓥꓪꓸ ꓔꓬ ꓟ ꓥꓳ꓿ ꓟꓲ ꓕꓯ ꓢꓲ ꓟ ꓦꓬꓼ ꓠꓬꓲ ꓗꓪ ꓪꓴꓻ ꓪ ꓠꓹ ꓟ ꓐꓱ ꓶ ꓒꓴ ꓧꓪ ꓔꓬ ꓔꓬ ꓡꓳ꓿ ꓮ ꓟꓶ ꓕꓱ ꓟ ꓥ ꓟꓲ ꓪ ꓘꓴ ꓦꓲ ꓪꓴꓻ ꓠꓹ ꓟ ꓒꓴ ꓧꓪ ꓚꓱꓹ ꓕꓲ ꓟ ꓥꓳ” ꓐꓰ ꓟꓬꓱꓽ ꓙ ꓒ ꓠꓳ-ꓜꓳ ꓡꓰ ꓐꓯ ꓟꓸ ꓖꓶ ꓡ ꓡꓳ꓿

ꓞꓳ ꓟꓬ ꓪ ꓟꓬ ꓡ ꓟ ꓡꓰ ꓐꓰ ꓡꓲ-ꓢꓴ ꓐꓴ ꓟꓵꓽ ꓕꓲ ꓖ ꓗꓪ ꓔꓬ ꓖꓴ ꓦꓲ ꓐꓱ꓾ ꓪ ꓘꓴ ꓦꓲ ꓙꓳ ꓡ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓿

“ꓔꓡꓚꓚ ꓗꓪ ꓡꓲ-ꓢꓴ ꓐꓴ ꓤ ꓠꓱ ꓞꓳ ꓟꓳꓽ ꓮ ꓡꓻ 100 ꓣꓳ ꓟꓽ ꓞꓲ ꓙꓳ ꓡ ꓪ” ꓐꓰ ꓟꓬꓱꓽ ꓡꓳꓸ ꓒꓽ ꓮ-ꓓꓶꓸ ꓙꓬ ꓡꓰ ꓐꓯ ꓡꓳ꓿

ꓴꓢꓮ ꓗꓪ ꓛꓲ ꓬꓰ ꓢꓴ ꓡꓲ-ꓢꓴ ꓐꓴ ꓠꓬ꓾ Texas, Virginia, Colorado, Wisconsin ꓡꓳ ꓒꓱ ꓗꓪ ꓟꓬꓽ ꓠꓬꓲ ꓜꓲꓼ ꓔꓬ ꓢꓲ ꓮ ꓒꓳ ꓒꓳ ꓗꓪ ꓪꓴꓽ ꓟꓴ ꓡ ꓚꓱꓹ ꓚꓴ ꓬꓲꓹ ꓓꓶꓽ ꓟꓬꓱꓽ ꓬꓰ ꓔꓬ ꓡꓳ꓿