ꓓꓴ-ꓪ ꓡ-ꓫꓲꓹ-ꓡꓼ ꓮ ꓡꓲꓳ ꓫꓵꓽ ꓕꓲ ꓣꓳ ꓥ?

ꓬꓲ ꓔꓯ ꓮ-ꓢ ꓟꓵꓽ ꓡꓳ ꓪꓴꓸ ꓕꓲ ꓛꓱ꓾ ꓟꓳꓹ-ꓙꓲꓸ ꓘꓹ ꓗꓪ 1950 ꓘꓳꓼ 9 ꓦ 9 ꓠꓬꓲ ꓕꓯꓽ ꓦꓵ ꓔ ꓡꓳ꓿ ꓖꓳ ꓟ ꓑꓶꓸ ꓓꓴ ꓠꓬꓲꓸ ꓠꓬꓲ ꓠꓬ ꓬꓲꓸ ꓘꓳꓼ 71 ꓘꓳ ꓐꓲ ꓡꓰ ꓟ ꓦꓵ ꓦꓬꓼ ꓠꓬꓲ ꓥ ꓡꓳ꓿

ꓡ-ꓫꓴ ꓗꓪ 10 ꓔꓸ ꓔꓯ (B) list ꓡꓰ ꓧꓪꓸ ꓡꓰ ꓢꓲ꓾ ꓚꓲ ꓛꓬ ꓘꓹ ꓗꓪ ꓢꓷꓸ ꓠꓲꓹ ꓕꓳ ꓶ ꓟꓸ ꓢꓴ ꓬꓰ ꓡ ꓡꓳ꓿

ꓟꓸ ꓒ ꓕꓲ ꓣꓳ ꓬꓰ ꓔꓬ ꓢꓲ ꓟꓯ-ꓟꓬꓳꓼ ꓢꓔꓸꓟꓲꓚꓧꓮꓰꓡ ꓙꓳꓥꓽ ꓗꓪ 10 ꓔꓸ ꓔꓯ ꓕꓲ ꓧꓪꓹ ꓘꓳꓽ ꓗꓷ ꓠꓬ (ꓮ) list ꓗꓪ ꓧꓪꓸ ꓡꓰ ꓢꓲ꓾ 1970 ꓘꓳꓼ ꓕꓯ ꓬꓥ-ꓖꓳꓥ ꓟꓴ ꓕꓲ ꓙꓳꓥꓽ ꓗꓪ ꓙꓵꓽ ꓗ ꓙ ꓖꓴ ꓢꓳ ꓣꓴ ꓗꓷꓳ꓿ 1975 ꓘꓳꓼ ꓕꓯ ꓡꓸꓡꓸꓐ ꓙꓵꓽ ꓪꓴꓸ ꓛꓴꓽ ꓟꓶ ꓡꓳ꓿

ꓙꓵꓽ ꓪꓴꓸ ꓛꓴ ꓘꓳꓹ ꓟꓶ ꓟꓶꓼ ꓕꓱꓼ ꓟꓶ-ꓚꓲ-ꓠ ꓐꓰ ꓡ-ꓫꓴ ꓗꓪ ꓗꓴꓷꓼ ꓙꓵꓽ ꓜꓴ ꓫꓵꓽ ꓕꓱ ꓙ ꓢꓴ ꓜꓲꓽ ꓟꓴꓽ ꓒꓽ 2 ꓘꓳꓼ ꓬꓰ ꓡꓳ꓿ 1978 ꓘꓑꓼ ꓗꓪ ꓐꓰ 1994 ꓘꓳꓼ ꓗꓪ ꓛꓲ (16) ꓘꓳꓼ ꓢꓲꓽ ꓒꓽ ꓟꓬꓱꓽ ꓗꓪ ꓙꓵꓽ ꓗ ꓟꓬꓱꓽ ꓬꓰ ꓗꓷꓳ꓿

ꓬꓲ ꓠꓬ ꓢꓲꓽ ꓒ ꓟꓬꓱꓽ ꓬꓰ ꓟ ꓗꓪ ꓐꓰ ꓓꓳ ꓡ ꓕꓯ ꓥ ꓟꓲ ꓡꓲ ꓒꓰꓼ ꓟꓬꓱꓽ꓾ ꓪꓴꓽ ꓟꓴ ꓡ ꓟꓬꓱꓽ ꓗꓪ ꓮ ꓘꓶꓸ ꓢꓯꓼ ꓕꓵꓼ ꓢꓴ ꓥ ꓡꓳ꓿ 2001 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓲꓰꓑ- Intensive English Program ꓪꓴꓸ ꓔꓴ ꓟ ꓗꓪ ꓬꓰ ꓙ ꓢꓴ ꓕꓲ ꓣꓳ ꓥ ꓡꓳ꓿ ꓮ ꓟꓶ ꓙꓳꓥꓽ ꓖꓳ ꓟ ꓠꓬ꓾ ꓲꓡꓮꓢ- Institute of Liberal Arts and Sciences ꓥ ꓡꓳ꓿

ꓝꓮꓲ ꓣꓱꓽ ꓙ ꓜꓴ꓾ ꓪꓴꓽ ꓟꓴ ꓡ ꓜꓴ ꓐꓴ ꓥ ꓟ World Concern, Myitta Foundation, Hope International Development Agency ꓗꓪ ꓟꓬꓱꓽ ꓬꓰ ꓠꓬꓲ ꓢꓴ ꓥꓳ꓿ ꓿

ꓬꓲ ꓠꓬ ꓮ-ꓒꓴꓸ ꓥꓳ꓾ ꓧꓪꓽ ꓒꓴ ꓥꓳ꓾ ꓮ-ꓢ ꓥꓳꓽ꓾ ꓧꓶꓽ ꓥꓳ ꓫꓸ ꓕꓱ ꓐ ꓡ ꓢꓴ ꓕꓲ ꓣꓳ ꓥ ꓡꓳ꓿

2021 ꓘꓳꓼ 4 ꓦ 16 ꓠꓬꓲ ꓕꓯꓽ ꓬꓲ ꓔꓯ ꓠꓴꓖ ꓡꓰ ꓔꓳꓹ ꓙ ꓪ ꓔꓲꓸ ꓟꓬꓱꓽ ꓖꓶ ꓗꓷꓳ꓿