ꓓꓴꓹ-ꓑ-ꓡ-ꓬ ꓗꓪ ꓐꓰ ꓟꓬ-ꓟ ꓟꓯꓼ ꓓꓳ ꓙꓰ ꓠꓹ ꓟ ꓗꓠꓴ ꓕꓳ ꓶ ꓓꓳ ꓩꓴ ꓡ

ꓓꓴꓹ-ꓑ-ꓡ-ꓬ ꓟꓵꓽ ꓗꓪ ꓐꓰ ꓟꓬ-ꓟ ꓟꓯꓼ ꓐꓴ (3) ꓠꓬꓲ ꓘꓴꓽ ꓗꓪ ꓓꓳ ꓡꓽ ꓙꓰ ꓠꓹ ꓟ ꓗꓠꓴ ꓡꓰ 2022 ꓘꓳꓼ 3 ꓦ 7 ꓠꓬꓲ ꓕꓯꓽ ꓕꓳ ꓶ ꓓꓳ ꓩꓴ ꓡ ꓡꓳ꓿

ꓟꓬ-ꓟ ꓟꓯꓼ ꓐꓴ ꓓꓴ-ꓑ-ꓡ-ꓬ ꓟꓵꓽ ꓗꓪ ꓓꓵꓽ ꓡ ꓢꓲ꓾ ꓑ ꓫꓬ ꓮ ꓟꓬꓹ ꓟꓯꓼ ꓛꓰꓹ ꓙꓰ ꓠ ꓗꓷ ꓡꓰ꓾ ꓑ ꓫꓬ ꓐꓴ ꓦꓲ ꓗꓪ ꓦꓲ ꓛꓬꓹ ꓦꓲ ꓖꓪ꓾ ꓶ ꓤ ꓶ ꓟꓲ ꓣꓴ ꓠꓬꓲ ꓬꓰ ꓔꓬ ꓡꓳ ꓐꓰ ꓐꓯ ꓔꓸ ꓡꓳ꓿

ꓖꓳ ꓟ ꓑꓶꓸ ꓓꓴ (3) ꓠꓬꓲ ꓘꓴꓽ ꓗꓪ ꓓꓴ-ꓑ-ꓡ-ꓬ ꓟꓵꓽ ꓗꓪ ꓐꓰ ꓟꓬ-ꓟ ꓟꓯꓼ ꓓꓳ ꓙꓰ ꓠꓹ ꓟ꓾ ꓟꓽ ꓓꓳ ꓙꓰ ꓠꓬ ꓗꓸ ꓠꓯꓸ ꓢꓲ ꓒꓬꓱꓼ ꓡ ꓠ ꓔꓸ ꓟ ꓮ ꓙꓵꓽ ꓠꓬ ꓑ ꓫꓬ ꓙꓵꓽ ꓪ ꓦꓴꓻ ꓢꓴ ꓟꓬ-ꓟ ꓟꓯꓼ ꓶꓽ ꓥꓳ ꓐꓰ ꓓꓴ-ꓑ-ꓡ-ꓬ ꓟꓵꓽ ꓗꓠꓴ ꓟꓬꓱꓽ ꓢꓲ ꓢꓳꓸ-ꓡ-ꓢꓲ-ꓔ ꓡꓯꓼ ꓓꓴ ꓢꓽ ꓔꓸ ꓟ ꓕꓳ ꓶ ꓗꓪ ꓐꓳ ꓔ ꓡꓳ꓿