ꓓꓰ-ꓟꓳ-ꓗꓯ-ꓢꓰ ꓐꓱ ꓶ ꓫꓵꓻ ꓢꓴ ꓐꓴ ꓔꓯ ꓞꓳ ꓒꓵꓽ ꓟꓬꓱ ꓓꓳꓽ ꓖꓶ ꓟ

ꓮ ꓟꓶ ꓬꓲꓸ ꓫꓵꓼ ꓚꓲꓸ ꓛꓲ ꓡ ꓟ ꓟꓬ-ꓟ ꓐꓱ ꓶ ꓙ ꓡꓯ ꓘꓳ ꓢꓴ ꓴꓢ ꓗꓴꓷꓼ ꓝꓲ ꓓꓴ ꓓꓽ ꓟ ꓠꓬꓲꓽ ꓣꓳ ꓕꓲ ꓣꓳ ꓟ Deb Lynn ꓠꓬ꓾ ꓬꓥ-ꓖꓳꓥ ꓡꓳ ꓒꓱ꓾ ꓗ-ꓟ-ꓬꓴꓼ ꓗꓪ ꓙꓳ ꓟ ꓴꓢ ꓝꓲ ꓓꓴ ꓦꓲ (US Embassy) ꓗꓪ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ ꓢꓯꓼ ꓟꓬ ꓖꓶ ꓗꓷ ꓟ ꓟꓬ-ꓟ ꓡ ꓞꓳ ꓐꓴ ꓔꓯ ꓓꓵꓽ ꓙ ꓛꓲ ꓡ ꓓꓴ ꓐꓰ꓾ ꓞꓳ ꓒꓵꓽ ꓟ ꓜꓲꓼ ꓓꓴ ꓗꓪ ꓜꓲꓼ ꓗꓷꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ=

2021 ꓘꓳꓼ 2 ꓦ ꓗꓪ ꓐꓰ ꓕ ꓑꓳꓸ ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓡꓰ ꓙꓵꓽ ꓪ ꓦꓴ ꓙꓰ ꓟ ꓔꓯ ꓔꓳꓹ ꓡꓯ ꓘꓳ ꓟ ꓗꓪ ꓫꓵꓻ ꓢꓴ ꓐꓴ ꓔꓯ ꓓꓵꓽ ꓙ ꓛꓲ ꓡ ꓓꓴ ꓐꓰ꓾ ꓟꓬꓱ ꓓꓳ ꓖꓶꓽ ꓟ ꓚꓲꓸ ꓟꓶ ꓓꓴ ꓐꓱ ꓶ ꓡꓳ ꓓꓲ ꓜꓲꓼ ꓬ ꓔꓸ ꓟ ꓥ ꓡꓳ= ꓮ ꓟꓶ ꓗꓪ ꓛꓲ ꓡꓳ ꓓꓲ ꓤꓽ 1300 ꓟꓽ ꓞꓲ ꓙꓳ ꓢꓲ꓾ ꓡꓳ ꓓꓲ ꓤꓽ ꓕꓲ ꓟ ꓠꓬ ꓟꓯꓼ ꓡꓰ ꓙꓵꓽ ꓪ ꓦꓴ ꓡ ꓕ ꓑꓳꓸ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ ꓢꓯꓼ ꓕꓵꓼ ꓢꓲꓸ ꓫꓵꓻ ꓢꓴ ꓡ ꓞꓳ ꓕꓲ ꓣꓳ ꓬꓲꓸ ꓛꓲ ꓧꓪ ꓜꓲꓼ ꓔꓸ ꓟ ꓥ ꓡꓳ ꓐꓰ ꓐꓳ ꓟꓸ ꓖꓶ ꓔꓸ ꓡꓳ= ꓰꓟꓐꓮꓢꓢꓬ ꓝꓮꓚꓰꓐꓳꓳꓗ ꓑꓮꓖꓰ ꓗꓪ ꓧꓪꓽ ꓒꓴ ꓥꓳꓽ ꓗꓪ ꓐꓰ ꓕꓱ ꓡꓱ ꓐꓳ ꓔꓸ ꓡꓳ= ” Newly arrived Deputy Chief of Mission Deb Lynn recently paid her respects to Myanmar’s fallen heroes. The U.S. Embassy’s fallen heroes memorial honors those who have died as a result of the military coup. To date, we have placed more than 1,300 stones – each stone representing a life lost.” ꓢꓳꓴꓣꓚꓰꓽ ꓴꓢ ꓰꓟꓐꓮꓢꓢꓬ ꓟꓬꓮꓠꓟꓮꓣ ꓝꓐ ꓑꓮꓖꓰ