ꓴꓢꓮ ꓐꓶꓽ ꓗꓴꓷꓼ ꓔꓯ ꓟꓳꓸ ꓚꓴ ꓬꓲꓹ ꓖꓶ ꓒꓽ ꓓꓯ-ꓪꓰꓼ ꓛꓳ-ꓡꓯꓼ ꓠꓬ 2024 ꓘꓳꓼ 3 ꓦ 28 ꓠꓬꓲ ꓕꓯꓽ ꓟꓬ ꓗꓴꓷꓼ ꓗꓪ ꓟ ꓞꓳ ꓫꓵꓽ ꓟꓯꓼ 4 ꓜꓴ ꓔꓯ ꓜꓲ ꓡꓯ ꓘꓳ ꓗꓷꓳ꓾ ꓐꓰ ꓢꓷꓸ ꓙ ꓟꓴ ꓙ ꓡꓳ꓿
ꓬꓲꓸ ꓜꓲ ꓡꓯ ꓘꓳ ꓗꓷ ꓟ ꓟꓯꓼ ꓐꓴ ꓠꓬ ꓗ3ꓚ ꓐꓯˍ ꓟ꓾ ꓗꓲꓳ꓾ ꓗꓠꓴ꓾ ꓗꓠꓑꓑ꓾ ꓚꓠꓝ ꓑꓳꓺ ꓔꓯꓹ ꓟꓯꓼ ꓐꓴ ꓥ ꓡꓳ꓿
ꓕꓱ ꓡꓱ ꓟꓬ-ꓟ ꓗꓴꓷꓼ ꓞꓳ ꓫꓵꓽ ꓟꓯꓼ ꓐꓴ ꓠꓬ ꓑ ꓫꓬ ꓙꓵꓽ ꓪ ꓟꓶ ꓠꓹ ꓟ ꓢꓯꓼ ꓕꓵꓼ ꓔꓬ ꓟ꓾ ꓟꓯꓼ ꓛꓰꓹ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ꓾ ꓑꓓꓝ ꓐꓰ ꓞꓳ ꓫꓵꓽ ꓟꓯꓼ ꓜꓴ ꓐꓴ ꓔꓯ ꓟꓵ ꓗꓳ ꓓꓵ ꓓꓵ ꓗꓪ ꓐꓰ ꓠꓲꓹ ꓞ ꓬꓰ ꓠꓹ ꓟ ꓚꓱꓹ ꓖꓪ ꓙꓱ ꓡꓯ ꓘꓳ ꓗꓷꓳ꓾ ꓐꓯ ꓡꓳ꓿
ꓴꓢꓮ ꓡꓰ ꓗ3ꓚ ꓔꓯ ꓒꓴ ꓒꓴ ꓡꓯꓽ ꓡꓯꓽ ꓕꓲꓽ ꓧꓶꓹ ꓕꓲ ꓚ ꓕꓱ ꓡꓱ ꓜꓲ ꓡꓯ ꓘꓳ ꓡ ꓟ ꓠꓬ ꓬꓲꓸ ꓪꓴꓸ ꓕꓲ ꓧꓪꓸ ꓥ ꓡꓳ꓿