ꓓꓗꓐꓮ ꓟꓯꓼ ꓜꓲꓽ ꓦꓲ ꓔꓯ ꓙꓱ ꓦꓲ ꓐꓳꓽ ꓩꓴ ꓡ

ꓚ-ꓰꓸ-ꓢꓰꓼ ꓡꓳ ꓒꓱ꓾ ꓚꓰ-ꓛꓸꓳ ꓘꓹ ꓗꓪ ꓙꓳˍ ꓟ ꓓꓗꓐꓮ ꓟꓯꓼ ꓜꓲꓽ ꓯ-ꓪꓹ ꓦꓲ ꓔꓯ 2023 ꓘꓳꓼ 1 ꓦ 21 ꓠꓬꓲ ꓠꓯꓼ 1 ꓙꓵꓹ ꓕꓯꓽ ꓟꓬ-ꓟ ꓟꓯꓼ ꓙꓱ ꓦꓲ ꓗꓪ ꓐꓰ ꓐꓳꓽ ꓐꓶ ꓧꓶꓽ ꓩꓴꓳ꓿

ꓟꓯꓼ ꓜꓲꓽ ꓦꓲˍ ꓐꓰ꓾ ꓪ ꓘꓴ ꓦꓲ꓾ ꓠꓯ ꓞꓲꓼ ꓫꓬꓹ ꓖꓶ ꓔꓶꓸ ꓮ ꓙꓵꓽ ꓐꓬ ꓡꓰ ꓟ ꓐꓬꓱꓽ ꓓꓳ ꓡ ꓡꓳ꓿

ꓓꓗꓐꓮ ꓠꓬ ꓠꓚꓮ ꓙ ꓟꓳ ꓘꓶꓽ ꓗꓪ ꓡꓯꓼ ꓓꓴ ꓢꓽ ꓔꓸ ꓢꓴ ꓑꓳꓺ ꓔꓯꓹ ꓟꓯꓼ ꓜꓴ ꓕꓲ ꓜꓴ ꓥ ꓡꓳ꓿

ꓟꓬ-ꓟ ꓟꓯꓼ ꓡꓰ ꓕꓱ ꓡꓱ ꓙꓱ ꓦꓲ ꓗꓪ ꓐꓰ ꓢꓰꓼ-ꓗ ꓟꓵꓽ꓾ ꓗ-ꓛꓲ ꓟꓵꓽ ꓮ-ꓠꓼ-ꓑꓸ ꓐꓰ꓾ ꓛꓰꓸ ꓒꓽ ꓟꓵꓽ ꓪꓰꓼ-ꓔꓳ-ꓣꓲ-ꓬ ꓗꓪ ꓐꓳꓽ ꓐꓶ ꓠꓬꓲˍ ꓡꓳ꓿

ꓖꓳ ꓡꓱ ꓥ ꓟꓲ ꓕꓯꓽ ꓢꓲ ꓗꓪ ꓟ ꓮ ꓙꓵꓽ ꓠꓬ ꓟꓬ-ꓟ ꓟꓯꓼ ꓔꓯ ꓔꓳꓹ ꓢꓴ ꓐꓴ ꓔꓯ ꓐꓶˍ ꓟ ꓥ ꓢꓲ꓾ ꓮ ꓟꓶ ꓓꓗꓐꓮ ꓠꓬ ꓟꓬ-ꓟ ꓟꓯꓼ ꓙꓱ ꓘꓪ ꓗꓪ ꓔꓬ ꓟ ꓜꓴ ꓥ ꓠꓬꓲ ꓮ ꓫꓵꓽ ꓑꓶꓸ ꓓꓴ ꓐꓶˍ ꓟ ꓓꓵꓽ ꓙ ꓟꓶ ꓓꓴ ꓕꓲꓽ ꓟ ꓒꓬꓱꓼ ꓡ ꓔꓬ ꓡꓳ꓿