K-ꓬ ꓟꓵꓽ꓾ ꓒ-ꓣꓴ-ꓢꓴ ꓡꓳ ꓒꓱ ꓗꓪ 2021 ꓘꓳꓼ 12 ꓦ 24 ꓠꓬꓲ ꓕꓯꓽ ꓡ ꓞꓳ 38 ꓣꓳ ꓟꓽ ꓞꓲ ꓮ ꓔꓳꓸ ꓛꓴ ꓢꓰꓼ ꓗꓷ ꓟ ꓔꓯ ꓟꓳꓸ ꓟꓲ ꓠꓯ ꓗꓴꓷꓼ ꓜꓴ ꓡꓰ ꓕꓼ ꓩꓴ ꓡ ꓢꓲꓸ ꓜꓲ ꓜꓲ ꓟꓴ ꓟꓴ ꓚꓲꓸ ꓚ ꓠꓹ ꓟ ꓐꓰ꓾ ꓝꓴꓲꓸ ꓬꓰ ꓢꓴ ꓔꓯ ꓝꓴꓲꓸ ꓖꓶꓽ ꓠꓹ ꓟ 12 ꓦ 26 ꓠꓬꓲ ꓕꓯꓽ ꓕꓳ ꓶ ꓐꓳ ꓢꓲꓸ ꓓꓰꓽ ꓩꓴ ꓡ ꓡꓳ꓿
ꓖꓳ ꓕꓲ ꓠꓬꓲ Save the children ꓫꓱꓸ ꓤꓼ ꓟꓬꓱꓽ ꓬꓰ ꓙ ꓜꓴ ꓗꓪ ꓟ ꓟꓬꓱꓽ ꓬꓰ ꓢꓴ 2 ꓣꓳ ꓥ ꓟꓲ ꓟꓶꓽ ꓬꓰ ꓢꓲꓸ ꓬꓲꓸ ꓪ ꓜꓶꓽ ꓔꓸ ꓟ ꓟꓳ-ꓓꓳ ꓠꓬ ꓮ ꓔꓳꓸ ꓛꓴ ꓗꓷ ꓟ ꓗꓪ ꓐˍ ꓡꓳ꓾ ꓐꓯ ꓡꓳ꓿ ꓖꓳ ꓟ ꓑꓶꓸ ꓓꓴ ꓗ-ꓬ ꓟꓵꓽ ꓗꓪ save the children ꓫꓱꓸ ꓤꓼ ꓟꓬꓱꓽ ꓬꓰ ꓜꓴ ꓟꓬꓱꓽ ꓚꓱꓹ ꓮ ꓙꓵꓽ ꓬꓰ ꓠꓽ ꓡꓰꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿