ꓒ-ꓗ ꓟꓵꓽ ꓗꓪ ꓟꓬ-ꓟ ꓟꓯꓼ ꓶ ꓡꓯꓼ ꓚꓱꓹ ꓶ ꓤ ꓶ ꓟꓲ ꓪꓴꓽ ꓟꓽ ꓓ ꓐꓰ ꓗꓲꓳ ꓡꓰ ꓕꓳ ꓶ ꓓꓳ

ꓗ-ꓛꓲ ꓟꓵ꓾ ꓒ-ꓗ ꓡꓳ ꓒꓱ ꓗꓪ ꓟꓬ-ꓟ ꓟꓯꓼ ꓶ ꓡꓯꓼ ꓚꓱꓹ ꓶ ꓤ ꓶ ꓟꓲ ꓪꓴꓽ ꓟꓽ ꓓ ꓐꓰ ꓗꓲꓳ ꓡꓰ 2022 ꓘꓳꓼ 2 ꓦ 26 ꓠꓬꓲ ꓕꓯꓽ ꓕꓳ ꓶ ꓓꓳ ꓔ. ꓡꓳ꓿

Myanmar Beer၊ Ram ၊ Andaman Beer ၊ Dagon Beer ၊ Mandalay Beer ၊ Black Shicld ၊ Myanamr Permium Beer ꓐꓰ꓾ ꓟꓶꓽ ꓖꓶꓽ ꓪ ꓔꓲꓸ ꓙꓱꓽ ꓑꓲꓹ-ꓡ; ꓧꓶꓽ (ဆင်မင်းဘိလပ်မြေ) ꓪꓴꓽ/ꓪꓴꓻ ꓟꓽ ꓓ꓾ 3 ꓦ 20 ꓠꓬꓲ ꓖꓳ ꓑꓳꓸ ꓗꓲꓳ ꓕꓵꓼ ꓪ ꓘꓶꓽ ꓕꓱ ꓟ ꓟꓽ ꓛꓳ ꓢꓴ ꓔꓯ ꓚꓲꓸ ꓚ ꓢꓲꓸ ꓝꓴꓲꓸ ꓖꓶꓽ ꓓꓴ ꓥꓳ ꓐꓰ ꓐꓯ ꓔꓸ ꓡꓳ꓿

ꓕꓱ ꓡꓱ ꓬꓰˍ ꓟ ꓠꓬ ꓟꓬ-ꓟ ꓟꓯꓼ ꓒꓴ ꓧꓪ ꓚꓱꓹ ꓢꓯꓼ ꓐꓽ ꓡꓰ ꓠꓹ ꓟ ꓑꓲꓸ ꓞꓲꓽ ꓩꓴˍ ꓟ ꓥ ꓡꓳ꓾ ꓐꓯ ꓡꓳ꓿

ꓪꓮꓲꓹ-ꓟꓳ꓾ ꓟꓳꓹ-ꓗꓮꓳꓹ꓾ ꓟꓶ-ꓚꓲ-ꓠ꓾ ꓔꓶ-ꓠ꓾ ꓑꓴ-ꓔ-ꓳ ꓗꓪ ꓥ ꓟꓲ ꓕꓱ ꓡꓱꓳ ꓫꓵꓽ ꓟꓬ-ꓟ ꓟꓯꓼ ꓶ ꓡꓯꓼ ꓚꓱꓹ ꓶ ꓤ ꓶ ꓟꓲ ꓪꓴꓽ/ꓪꓴꓻ ꓟꓽ ꓓ ꓐꓰ 2022 ꓘꓳꓼ 1 ꓦ ꓕꓯꓽ ꓗꓲꓳ ꓡꓰ ꓕꓵꓼ ꓪ ꓓꓳ ꓔꓸ ꓟ ꓙꓳˍ ꓡꓳ꓿

Audio News