ꓔꓴ-ꓣꓼ ꓟꓬꓱꓺ ꓔꓸ ꓟ ꓟꓬꓱ ꓓꓳꓽ ꓙꓳˍ ꓟ ꓒ-ꓗ ꓪꓰꓸ ꓡꓳ ꓑ ꓕꓲꓽ ꓣꓳ ꓔꓯ ꓑꓓꓝ ꓟꓯꓼ ꓔꓯ ꓔꓳꓹ ꓙ ꓡꓳ ꓐꓯ ꓢꓲ꓾ ꓟꓬ-ꓟ ꓟꓯꓼ ꓡꓰ 2022 ꓘꓳꓼ 8 ꓦ 17 ꓠꓬꓲ ꓕꓯꓽ ꓣꓴ ꓟꓶ ꓡꓰꓳ꓾ ꓐꓯ ꓡꓳ꓿
ꓬꓲꓸ ꓟꓳ ꓓꓳ ꓫꓵꓸ ꓢꓴ ꓔꓯ ꓣꓴ ꓟꓶ ꓡꓰ ꓢꓲ꓾ ꓖꓳ ꓗꓪ ꓐꓰ ꓕꓲꓽ ꓝꓸ ꓫꓸ ꓪ ꓟꓽ ꓞꓰꓽ ꓟ ꓗꓪ ꓐꓰ꓾ ꓡꓳ ꓑ ꓓꓽ ꓟ ꓔꓯ ꓣꓴ ꓟꓶ ꓡꓰˍ ꓟ ꓥ ꓡꓳ꓾ ꓐꓯ ꓡꓳ꓿
ꓑꓓꓝ ꓔꓯ ꓔꓳꓹ ꓙ ꓟ ꓠꓬ꓾ ꓟꓬ-ꓟ ꓒꓴ 6150 ꓢꓯꓹ꓾ ꓮꓡꓑꓧꓮꓣꓓ ꓟꓳ ꓓꓳ ꓕꓲꓽ ꓢꓶ꓾ ꓓꓳ ꓡ ꓒꓴ 10000꓾ ꓧꓶꓽ ꓒꓴ 19000 ꓥ ꓡꓳ꓾ ꓐꓰ ꓟꓬ-ꓟ ꓟꓯꓼ ꓡꓰ ꓓꓳꓽ ꓢꓷ ꓙ ꓟꓴ ꓙ ꓐꓯ ꓒꓬꓱꓺ ꓔꓸ ꓡꓳ꓿
ꓡꓳ ꓑ ꓔꓴ-ꓣꓼ ꓔꓯꓸ ꓟ ꓟ-ꓓꓲ-ꓡꓲ ꓐꓰ ꓒ-ꓗ ꓟꓵꓽ ꓗꓪ ꓙꓳˍ ꓟ ꓦꓲ꓾ ꓐꓱꓻ꓾ ꓪꓰꓸ꓾ ꓶ ꓤ ꓶ ꓟꓲ ꓟꓬ-ꓟ ꓟꓯꓼ ꓡꓰ ꓫꓺ ꓔꓯꓹ ꓙꓰ ꓟ ꓮ ꓙꓵꓽ ꓬꓲꓸ ꓒꓵꓽ ꓠꓬ꓾ 118449 ꓢꓯꓹ ꓥ ꓡꓳ꓾ ꓐꓯ ꓡꓳ꓿
ꓡꓳ ꓑ ꓬꓲꓸ ꓧꓪ ꓖꓳ ꓓꓱꓽ ꓮ ꓡꓲ ꓗ ꓬꓰˍ ꓟ ꓔꓯ ꓟꓳꓸ ꓥ ꓟꓲ ꓬꓲꓸ ꓔꓯ ꓢꓷꓸ ꓢꓴ ꓐꓴ ꓙ ꓫꓸ ꓓꓴ ꓙꓳ ꓔꓬ ꓡꓳ꓿ ꓬꓲꓸ ꓠꓬ ꓟꓬꓱꓺ ꓓꓳꓽ ꓙꓳˍ ꓟ ꓐꓰ꓾ ꓙꓲˍ ꓟ ꓡꓳ ꓑ ꓕꓲ ꓣꓳ ꓥꓳ ꓐꓰ ꓬꓲꓸ ꓔꓯ ꓢꓷꓸ ꓢꓴ ꓐꓴ ꓐꓯ ꓡꓳ꓿ ꓟꓯꓼ ꓙꓵꓽ ꓪ ꓙꓳˍ ꓟ ꓦꓬꓼ ꓠꓬꓲ ꓗꓪ ꓠꓱꓸ ꓐꓯꓼ ꓒꓴ ꓙꓳ/ ꓫꓵꓺ ꓙꓳ ꓢꓴ ꓡꓳ ꓑ ꓐꓴˍ ꓟꓲ ꓙꓽ ꓫꓸ ꓔꓬ ꓡꓳ꓿