ꓒꓴ ꓒ ꓐꓲ ꓖꓶꓽ ꓛꓲ ꓡ ꓕꓯꓽ ꓢꓲꓸ ꓪꓴꓽ ꓕꓵꓼ ꓪ ꓖꓶ ꓓꓴ ꓥꓳ

ꓟꓬ-ꓟ ꓗꓴꓷꓼ ꓟꓬꓼ-ꓪ-ꓓꓲ ꓚꓱꓹ ꓗꓪ ꓐꓰ ꓮ ꓠꓳꓸ ꓬꓲꓸ ꓫꓵ ꓬꓲ ꓙꓰ ꓐꓶꓽ ꓗꓴꓷꓼ ꓗꓪ ꓪꓴꓽ ꓖꓶ ꓢꓴ ꓐꓴ ꓠꓬ꓾ ꓐꓶꓽ ꓗꓴꓷꓼ ꓗꓪ ꓐꓰ ꓪꓴꓻ ꓠꓲꓹ ꓫꓵ ꓢꓴ ꓡꓰꓽ ꓒꓴ ꓮ ꓙꓵꓽ ꓦ ꓛꓲ ꓡ ꓔꓸ ꓟ ꓢꓸ ꓢꓯ ꓙꓳ ꓕꓯꓽ ꓢꓲꓸ ꓪꓴꓽ ꓠꓹ ꓟ ꓕꓵꓼ ꓪ ꓖꓶꓽ ꓓꓴ ꓥꓳ ꓐꓰ 2022 ꓘꓳꓼ 7 ꓦ 15 ꓠꓬꓲ ꓕꓯꓽ ꓟꓯꓼ ꓗꓳ-ꓢꓰ ꓡꓯꓼ ꓛꓲ ꓗꓪ ꓶ ꓡꓯꓼ ꓚꓱꓹ ꓔꓯ ꓟꓳꓸ ꓙꓵꓽ ꓢꓴ ꓡꓰ ꓕꓵꓼ ꓪ ꓓꓳ ꓩꓴ ꓡ ꓡꓳ꓿

“ꓐꓶꓽ ꓗꓴꓷꓼ ꓗꓪ ꓐꓰ ꓪꓴꓻ ꓜꓽ ꓢꓴ ꓠꓬ ꓞꓳ ꓟꓯꓹ ꓟꓽ ꓥ꓿ ꓟꓯꓼ ꓗꓳ-ꓢꓰ ꓟꓯꓹ ꓔꓸ ꓪ ꓡꓰ ꓟꓽ ꓟꓯꓹ ꓡ꓿ ꓶ ꓡꓯꓼ ꓚꓱꓹ ꓳꓸ ꓔꓲꓸ ꓡꓱꓸꓼ ꓬꓰꓳ꓿ ꓗꓴꓷꓼ ꓛꓳꓽ ꓗꓴꓷꓼ ꓶ ꓡꓯꓼ ꓮ ꓡꓲ ꓡꓲ ꓬꓰˍ ꓟ ꓚꓱꓹ ꓮ ꓫꓵꓽ ꓖꓶ ꓟꓽ ꓢꓷꓸ ꓔꓸꓳ ꓫꓵꓽ ꓫꓵꓽ ꓙꓵꓽ ꓪ ꓣꓴ ꓔꓸ ꓐꓶ” ꓐꓰ ꓟꓬꓼ-ꓪ-ꓓꓲ ꓒꓽ ꓶꓼ ꓡꓯꓼ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿

ꓐꓶꓽ ꓗꓴꓷꓼ ꓗꓪ ꓐꓰ ꓶ ꓡꓯꓼ ꓬꓰ ꓡ ꓢꓴ ꓮ ꓟꓬꓹ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓔꓬ ꓡꓳ꓿ ꓟꓯꓼ ꓗꓳ-ꓢꓰ ꓠꓬ ꓓꓳ-ꓡ ꓒꓴ ꓮ ꓙꓵꓽ ꓬꓲꓸ ꓡꓯꓼ ꓒꓯꓹ ꓗꓪ ꓫꓺ ꓠꓹ ꓟ ꓬꓲꓸ ꓚꓱꓹ ꓮ ꓟꓬꓹ ꓧꓪ ꓢꓲꓸ ꓟꓬꓱꓽ ꓬꓰ ꓡ ꓔꓬ ꓡꓳ꓿