2019 ꓘꓳꓼ 4 ꓦ ꓕꓯꓽ ꓒꓳ-ꓖ ꓪꓽ ꓜꓱꓽ ꓓꓯꓺ ꓢꓲꓸ ꓞꓰ ꓫꓵꓻ ꓢꓴ ꓟꓼ-ꓢꓲꓼ-ꓕꓯꓼ ꓚꓱꓹ ꓔꓯꓸ ꓟꓳꓸ ꓧꓳꓽ ꓢꓴ 2 ꓣꓳ ꓡꓱꓸꓼ ꓐꓱ ꓓꓴꓽ 1 ꓘꓳꓼ ꓐꓶꓽ ꓡꓴꓽ ꓠꓹ ꓟ 2022 ꓘꓳꓼ 4 ꓦ 27 ꓠꓬꓲ ꓕꓯꓽ ꓫꓵꓽ ꓘꓶꓽ ꓩꓴ ꓡ ꓡꓳ꓾ ꓐꓰ ꓬꓲꓸ ꓕꓲ ꓦꓲ ꓢꓴ ꓐꓴ ꓡꓰ ꓐꓯ ꓡꓳ꓿
ꓞꓳ ꓤ ꓫꓵꓻ ꓟ ꓑꓶꓸ ꓓꓴ ꓙꓵꓽ ꓗ 304 (ꓐ) ꓐꓰ꓾ ꓗꓹ ꓚꓳ ꓓꓵꓽ/ꓓꓳ ꓚꓱꓹ ꓙꓵꓽ ꓗ 33 ꓡꓳ ꓚ ꓥ ꓟꓲ꓾ ꓪꓽ ꓜꓱꓽ ꓓꓯ ꓜꓴ THE SUMMITER ꓧꓳꓽ ꓪꓴꓸ ꓟꓴ ꓢꓴ 2 ꓣꓳ ꓔꓯ ꓣꓴ ꓡꓴꓽ ꓔꓸ ꓢꓲꓸ ꓐꓯ ꓟꓴ ꓩꓴ ꓔꓸ ꓟ ꓥ ꓡꓳ꓿
ꓟꓼ-ꓢꓲꓼ-ꓕꓯꓼ ꓫꓵꓻ ꓟ ꓔꓯ ꓟꓳꓸ ꓖꓳ ꓑꓳꓸ ꓕ ꓑꓳꓸ ꓐꓯ ꓓꓴ ꓮ ꓟꓬꓹ ꓗꓷ ꓡꓰ ꓢꓲ꓾ 45 ꓦꓬꓼ ꓡꓳꓼ ꓕꓯꓽ ꓬꓲꓸ ꓫꓵꓻ ꓟꓳꓻ ꓧꓪ ꓟꓶ ꓢꓲꓸ ꓑꓴ-ꓔ-ꓳ ꓗꓪ ꓟꓯꓻ ꓛꓲ ꓡ ꓕꓯꓽ ꓮ ꓔꓳꓸ ꓛꓴ ꓫꓺ ꓗꓷ ꓟ ꓥ ꓡꓳ꓿
“ꓬꓲꓸ ꓪ ꓠꓬ ꓪ ꓚꓲ ꓪ ꓜꓱꓽ ꓓꓯ ꓢꓴ ꓥ ꓐꓯ ꓢꓲꓸ ꓚꓲꓺ ꓚ ꓖꓶ ꓟꓽ ꓞꓳꓹ ꓟ ꓑꓶꓸ ꓓꓴ ꓕꓱ ꓡꓱ ꓗꓷ ꓬꓰˍ ꓟ ꓥꓳ꓿ ꓬꓲꓸ ꓪ ꓝꓴꓲꓸ ꓐꓰ ꓝꓴꓲꓸ ꓪꓽ ꓒꓵꓽ ꓠꓬ ꓟꓽ ꓡꓳꓼ ꓐꓰ ꓓꓵ ꓙ ꓡꓳ” ꓐꓰ ꓬꓲꓸ ꓕꓲ ꓦꓲ ꓡ ꓞꓳ ꓐꓴ ꓡꓰ ꓐꓯ ꓡꓳ꓿
ꓖꓳ ꓡꓱ ꓥ ꓟꓲ ꓮ ꓢꓳ ꓐꓱ ꓓꓴꓽ ꓗꓪ 1 ꓘꓳꓼ ꓐꓶꓽ ꓡꓴꓽ ꓠ ꓔꓸ ꓢꓴ ꓠꓬꓲꓽ ꓣꓳ ꓠꓬ꓾ ꓬꓲꓸ ꓪ ꓔꓯ ꓣꓴ ꓡꓴꓽ ꓔꓸ ꓟ ꓦꓬꓼ ꓠꓬꓲ ꓔꓯ ꓢꓪꓼ ꓕꓽ ꓩꓴ ꓢꓲꓸ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓩꓴ ꓗꓷꓳ꓾ ꓐꓯ ꓡꓳ꓿
ꓬꓲꓸ ꓚꓰ ꓐꓰ ꓐꓬꓱꓽ- ꓐꓐꓚ꓾ Saint Htet FB