ꓒꓲ-ꓡꓲ-ꓒꓲ ꓗꓴꓷꓼ ꓗꓪ ꓙꓶꓼ ꓡ ꓟ ꓕꓳꓽ ꓥꓳ Megi ꓑꓶꓸ ꓓꓴ ꓑ ꓫꓬ 160 ꓫꓵꓻ ꓢꓲ꓾ 162ꓹ000 ꓦꓲ ꓐꓬ ꓡꓰꓳ꓾ ꓐꓰ ꓙꓵꓽ ꓪ ꓙꓳ ꓓꓴ ꓐꓴ ꓡꓰ 2022 ꓘꓳꓼ 4 ꓦ 14 ꓠꓬꓲ ꓕꓯꓽ ꓢꓷ ꓩꓴ ꓡ ꓡꓳ꓿
ꓕꓳꓽ ꓥꓳ ꓬꓲꓸ ꓟꓬꓱꓺ ꓔꓯ ꓟꓯ-ꓖꓲ (Megi) ꓐꓯ ꓢꓲꓸ ꓬꓲꓸ ꓟꓬꓱꓺ ꓖꓶꓽ ꓔꓸ ꓡꓳ꓿
ꓟꓲꓽ ꓦꓲ꓾ ꓟꓶꓽ ꓦ꓾ ꓬꓲ ꓙꓬ ꓙꓲꓽ꓾ ꓟꓲ ꓠꓯ ꓧꓳꓹ ꓡ ꓟ ꓑꓶꓸ ꓓꓴ ꓙꓱꓽ ꓤ ꓟ ꓤ ꓫꓵꓻ꓾ ꓦꓲ ꓐꓬ ꓡꓰ꓾ ꓞꓳ ꓫꓵꓻ ꓪꓽ ꓫꓵꓻ ꓗꓷ ꓡꓰ ꓟ ꓥ ꓡꓳ꓾ ꓐꓯ ꓔꓸ ꓡꓳ꓿ ꓖꓳ ꓟ ꓗꓪ ꓐꓰ Kantagnos ꓟꓵꓽ ꓫꓴ ꓠꓬ ꓮ ꓙꓵꓽ ꓟ ꓕꓯꓽ ꓢꓲ ꓫꓸ ꓙꓵ ꓟꓷꓼ ꓙꓲ ꓡꓰꓳ꓾ ꓐꓯ ꓡꓳ꓿
Megi ꓕꓳꓽ ꓥꓳꓽ ꓕꓱ ꓟ ꓠꓬ ꓞꓲ ꓠꓲꓹ ꓟꓲꓽ ꓦꓲ ꓙꓶꓼ ꓝꓲꓸ ꓗꓪ ꓬꓲꓸ ꓪꓴꓸ ꓕꓲ ꓧꓪꓹ ꓔꓳꓹ ꓜꓳˍ ꓟ ꓥ ꓢꓲ꓾ ꓒꓲ-ꓡꓲ-ꓒꓲ ꓗꓴꓷꓼ ꓗꓪ ꓠꓬ ꓕꓲ ꓘꓳꓼ ꓡꓲꓸ ꓕꓲ ꓘꓳꓼ 20 ꓧꓪꓹ ꓛꓲ ꓟꓲꓽ ꓦꓲ ꓕꓳꓽ ꓥꓳꓽ ꓔꓳꓹ ꓜꓳꓽ ꓚꓰꓼ ꓟ ꓥ ꓡꓳ꓿