ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓔꓯ ꓡꓳꓸ ꓗꓽ ꓙ ꓟꓯꓼ ꓔꓯ ꓮ ꓠꓲꓹ 2021 ꓘꓳꓼ 5 ꓦ 5 ꓠꓬꓲ ꓕꓯꓽ ꓒꓴ ꓪꓴꓸ ꓔꓴ ꓩꓴ ꓡ ꓟ ꓠꓬꓲꓸ ꓠꓬꓲ ꓠꓬ 1 ꓘꓳꓼ ꓒ ꓐꓲ ꓐꓲ ꓡꓰꓳ꓿
ꓕꓱ ꓡꓱ ꓢꓯꓼ ꓕꓵꓼ ꓩꓴ ꓡ ꓟ ꓗꓪ ꓧꓶꓸ ꓕꓯˍ ꓡꓰ ꓙꓳˍ ꓟ ꓑꓳꓺ ꓔꓯꓹ ꓟꓯꓼ ꓐꓴ ꓥ ꓟꓲ꓾ꓟꓯꓼ ꓤꓹ ꓙ꓾ ꓡ ꓛꓴꓸ ꓔꓳꓹ ꓙ꓾ ꓟꓯꓼ ꓢꓰꓼ ꓚꓱꓹ ꓧꓳꓽ ꓟꓸ ꓙ ꓡ ꓠꓬꓲ ꓮ ꓘꓶꓸ ꓫꓸ ꓟꓳ ꓐꓰ ꓠꓴꓖ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓟꓹ-ꓪꓰꓹ-ꓘꓮꓲꓽ-ꓔꓸ ꓡꓰ ꓫꓸ ꓕꓱ ꓩꓴ ꓡ ꓡꓳ꓿
“EAQ ꓑꓳꓺ ꓔꓯꓹ ꓟꓯꓼ ꓐꓰ꓾ ꓑꓓꓝ ꓟꓯꓼ ꓬꓰ ꓔꓬ ꓢꓴ ꓐꓴ ꓔꓯ ꓓꓳꓹ ꓟꓳˍ ꓥꓳ꓿ ꓗꓴꓷꓼ ꓔꓯ ꓞꓳꓸ ꓡꓰ ꓠ꓾ꓑ ꓫꓬ ꓔꓯ ꓫꓸ ꓡꓰ ꓠ ꓬꓰ ꓢꓴ ꓐꓴ ꓬꓲꓸ ꓛꓴ ꓞꓰꓹ ꓡꓰ ꓗꓪ ꓛꓲ ꓢꓯꓼ ꓕꓵꓼ ꓙꓰ ꓡꓯ” ꓐꓰ ꓫꓸ ꓕꓱ ꓩꓴ ꓡ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓔꓯ ꓡꓳꓸ ꓙ ꓠ ꓗꓹ ꓢꓴ ꓟꓬ-ꓟ ꓟꓯꓼ ꓠꓬ ꓑ ꓫꓬ ꓙꓵꓽ ꓪ ꓦꓴ ꓢꓲꓸ ꓑ ꓫꓬ ꓔꓯ ꓡꓳ ꓒꓱ ꓞꓳ ꓘꓹ ꓮ ꓗꓪ ꓜꓳꓽ ꓜꓳꓽ ꓢꓰꓼ ꓡ ꓟ ꓑꓶꓸ ꓓꓴ꓾ ꓑ ꓫꓬ ꓡꓳꓸ ꓗꓽ ꓙ ꓟꓯꓼ ꓬꓲꓸ ꓫꓳꓽ ꓕꓲ ꓟ ꓓꓳ ꓡ ꓟ ꓥ ꓡꓳ꓿
1 ꓘꓳꓼˍ ꓡꓰꓽ ꓙꓳˍ ꓟ ꓑꓓꓝ ꓟꓯꓼ ꓡꓰ 70 ꓘꓳꓼ ꓛꓲ ꓟꓯꓼ ꓶ ꓤ ꓐꓰ ꓢꓷꓸ ꓠꓲꓹ ꓤꓹ ꓓꓰꓼ ꓔꓸ ꓟ ꓟꓬ-ꓟ ꓟꓯꓼ ꓔꓯ ꓔꓳꓼ ꓡꓯ ꓘꓳ ꓔꓬ ꓟ ꓥ ꓡꓳ꓿