ꓑ ꓫꓬ ꓠꓯ ꓞꓲꓼ ꓦꓲ ꓫꓵꓼ ꓔꓯ ꓟꓬ-ꓟ ꓟꓯꓼ ꓐꓴ ꓡꓰ ꓬꓲꓸ ꓧꓶꓽ ꓛꓬꓹ ꓩꓴꓳ

2022 ꓘꓳꓼ 1 ꓦ 5 ꓠꓬꓲ ꓕꓯꓽ ꓛꓰꓸ ꓒꓽ ꓟꓵꓽ꓾ ꓟꓰꓹ-ꓔꓼ ꓡꓳ ꓒꓱ꓾ ꓫꓵꓼ-ꓚꓬꓸ-ꓬꓪꓽ-ꓔꓲꓼ ꓘꓹ ꓗꓪ ꓫꓬꓹ ꓔꓶ ꓔꓸ ꓟ ꓑ ꓫꓬ ꓠꓯ ꓞꓲꓼ ꓦꓲ ꓔꓯ ꓟꓬ-ꓟ ꓟꓯꓼ ꓐꓴ ꓡꓰ ꓛꓬꓹ ꓛꓬꓹ ꓗ ꓗ ꓬꓰ ꓩꓴꓳ꓿

“ꓕꓱ ꓟ ꓛꓱꓼ ꓡ ꓠꓹ ꓟ 6 ꓟꓽ ꓞꓲ꓾ 7 ꓦ ꓐ ꓗꓪ ꓛꓲ ꓢꓯꓼ ꓕꓵꓼ ꓗꓷꓳ꓿ ꓞꓳ ꓠꓻ 1000 ꓟꓽ ꓞꓲ ꓔꓯ ꓥꓪ ꓡꓰ ꓠꓻ ꓫꓬꓹ ꓖꓶ ꓪ ꓡꓰꓳ꓿ … ꓬꓲꓸ ꓪ ꓗꓰ ꓮ ꓡꓲ ꓛꓬꓹ ꓡꓲꓸ ꓛꓬꓹ ꓕꓱ ꓡꓱꓳ ꓫꓵꓽ ꓙꓳ ꓡ ꓠꓹ ꓟ ꓕꓲ ꓧꓪꓹ ꓢꓯꓼ ꓕꓵꓼ ꓓꓴ ꓥꓳ” ꓐꓰ ꓠꓯ ꓞꓲꓼ ꓟꓸ ꓟ ꓯ-ꓥꓰꓹ ꓡꓰ ꓐꓳ ꓔ ꓡꓳ꓿

ꓟꓬ-ꓟ ꓟꓯꓼ ꓐꓴ ꓡꓰ ꓞꓳ ꓘꓹ ꓗꓪ ꓥ ꓟꓲ ꓶ ꓤ ꓶ ꓟꓲ ꓧꓪ ꓟꓰꓹ ꓢꓲꓸ ꓣꓴ ꓔꓯꓹ ꓙꓰ ꓟ꓾ ꓜꓽ ꓓꓴ ꓜꓻ ꓒꓴ ꓔꓯ ꓒꓬꓹ ꓩꓴˍ ꓟ ꓙꓳˍ ꓡꓳ꓿