ꓑ-ꓔꓲ ꓬꓲꓸ ꓒꓵꓼ ꓡꓵꓼ ꓔꓯꓺ ꓡꓯ ꓘꓳ ꓗꓷ ꓟ 2020 ꓢꓲꓻ ꓣꓴ ꓑꓮꓲ 1 ꓘꓳꓼ ꓐꓲ ꓡ ꓟ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓗꓪ꓾ ꓑ ꓫꓬ ꓙꓵꓽ ꓪ ꓡꓲꓸ ꓪ ꓗꓪ ꓛꓲ ꓢꓯꓼ ꓕꓵꓼ ꓓꓴ ꓥꓳ ꓐꓰ꓾ ꓚꓣꓑꓧ ꓡꓰ ꓙ ꓟꓳ ꓘꓶꓽ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓚꓣꓑꓧ ꓕꓳ ꓶ ꓖꓳ ꓟ ꓗꓪ꓾ 2020 ꓗꓳ-ꓪꓰꓼ ꓠꓻ ꓓꓱꓽ ꓙꓳ ꓔꓬ ꓟ ꓠꓬꓲꓽ ꓗꓴꓸ ꓚꓸ ꓗꓪ ꓟꓶ ꓫꓸ ꓟꓶ ꓫꓸ ꓢꓲꓻ ꓣꓴ ꓑꓮꓲ ꓮ ꓡꓲ ꓬꓰ ꓒꓬꓱꓼ ꓡ ꓗꓷ ꓟ꓾ ꓬꓲꓸ ꓐꓽ ꓢꓲ ꓗꓪ ꓐꓰ ꓡꓳꓸ ꓠꓬꓲ ꓜꓴ ꓐꓴ ꓡꓰ ꓗꓶꓸ ꓓꓴ꓾ ꓒꓯꓸ ꓓꓴ ꓟꓽ ꓙꓳ ꓟ ꓢꓲꓻ ꓣꓴ ꓑꓮꓲ ꓥ ꓡꓳ ꓐꓰ ꓐꓯ ꓔꓸ ꓟ꓾ ꓟꓯꓼ ꓠꓬ ꓡ ꓛꓴꓸ ꓔꓯ ꓪꓽ ꓪꓴ ꓘꓳꓹ ꓢꓲ ꓙꓵꓽ ꓪ ꓣꓴ ꓙꓰ ꓟ꓾ ꓗꓴꓷꓼ ꓑ ꓫꓬ ꓐꓴ ꓢꓲ ꓡꓲꓹ ꓐꓰ ꓠꓲꓹ ꓡꓶꓽ ꓟꓳꓸ ꓖꓶ꓾ ꓘꓴ ꓓꓰꓽ ꓔꓬ ꓕꓯ ꓟꓯꓼ ꓡꓰ ꓢꓰꓼ ꓡ ꓟ ꓐꓳ ꓔ ꓡꓳ꓿ ꓑ ꓫꓬ ꓙꓵꓽ ꓪ ꓚꓱꓹ ꓡꓲꓸ ꓪ ꓠꓹ ꓟ ꓢꓯꓼ ꓕꓵꓼ ꓔꓬ ꓢꓴ ꓐꓰ ꓬꓰ ꓙ ꓔꓬ ꓢꓴ ꓮ ꓙꓵꓽ ꓔꓯˍ ꓟ ꓫꓸ ꓟꓳ ꓐꓯ ꓔ ꓡꓳ꓿ ꓑ ꓫꓬ ꓙꓵꓽ ꓪ ꓡꓲꓸ ꓪ ꓗꓪ ꓛꓲ ꓢꓯꓼ ꓕꓵꓼ ꓓꓴ ꓥꓳ ꓐꓰ꓾ ꓚꓣꓑꓧ ꓡꓰ ꓙ ꓟꓳ ꓘꓶꓽ ꓖꓶ ꓔ ꓡꓳ꓿