Sri Lanka’s Cardinal urges the President to step down. ꓢꓲ-ꓣꓲ-ꓡꓲ-ꓖ ꓗꓴꓷꓼ ꓪꓴꓸ ꓓꓵ ꓐꓰ ꓗꓴꓷꓼ ꓙꓵꓽ ꓜꓴ ꓠꓬ ꓙꓵꓽ ꓪ ꓠꓬꓲꓺ ꓖꓴ ꓗꓪ ꓐꓰ ꓫꓶꓸ ꓢꓲ꓾ ꓑ ꓫꓬ ꓙꓵꓽ ꓪ ꓑ ꓫꓬ ꓔꓯ ꓡꓯꓼ ꓙꓱ ꓓꓴ ꓬꓰ ꓐꓰ꓾ ꓗ-ꓔꓳ-ꓡꓲꓼ ꓢꓲ-ꓣꓲ-ꓡꓲ-ꓖ ꓗ-ꓓꓲ-ꓠꓯ Ranjith ꓡꓰ ꓐꓯ ꓗꓷ ꓡꓳ꓿
“ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴ ꓫꓬꓻ ꓡꓰ ꓠꓹ ꓟ꓾ ꓑ ꓫꓬ ꓐꓴ ꓬꓲꓸ ꓐꓶꓹ ꓟꓽ ꓫꓸ ꓡ ꓠꓹ ꓟ ꓐꓱ ꓶ꓾ ꓝꓮꓲ ꓚꓲꓸ ꓛꓬ ꓠꓬ ꓗꓴꓷꓼ ꓙꓵꓽ ꓚꓱꓹ ꓟꓴ ꓚꓱꓹ ꓗꓪ ꓡꓳꓽ ꓘꓰꓽ ꓞꓰ ꓔꓬ ꓟ꓾ ꓗꓴꓷꓼ ꓙꓵꓽ ꓟꓽ ꓗꓴꓸ ꓢꓴ ꓥ ꓟ ꓔꓯ ꓘꓳ ꓣꓴ ꓠꓹ ꓟ ꓐꓱ ꓶ ꓢꓲꓽ ꓟꓽ ꓓꓳˍ ꓟ ꓚꓱꓹ ꓗꓪ ꓐꓰ ꓠꓲꓹ ꓞ ꓫꓶꓸ ꓙꓰ” ꓐꓰ ꓗ-ꓓꓲ-ꓠꓯ ꓬ-ꓙꓰꓼ (Ranjith) ꓡꓰ ꓐꓯ ꓩꓴ ꓗꓷ ꓟ ꓥ ꓡꓳ꓿
ꓢꓲ-ꓣꓲ-ꓡꓲ-ꓖ ꓑ ꓫꓬ ꓮ ꓟꓬꓹ ꓠꓬ꓾ ꓣ-ꓙ-ꓑ-ꓢ (Rajapaksas) ꓑ-ꓔꓲ ꓔꓯ ꓦ ꓡꓱ ꓟꓽ ꓐꓳ ꓬꓰꓳ꓿ ꓑ-ꓔꓲ ꓠꓬ ꓑ ꓫꓬ ꓐꓱ ꓶ ꓕꓯꓽ ꓢꓲ ꓙꓵꓽ ꓪ ꓐꓱ ꓶ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓙꓵꓻ ꓕꓶꓻ ꓡꓰ ꓔꓬ ꓠꓬꓲ ꓥ ꓡꓳ꓿ ꓮ ꓟꓶ ꓬꓲꓸ ꓫꓵꓼ ꓢꓲꓻ ꓔꓸ ꓟ ꓗꓴꓷꓼ ꓪꓵꓸ ꓓꓵ Ranil Wickremesinghe ꓠꓬ ꓗꓴꓷꓼ ꓗꓪ ꓐꓰ ꓔꓶꓹ ꓛꓰꓹ ꓙꓰ ꓢꓴ Mahinda Rajapaksa ꓔꓯ ꓚꓬꓴꓹ ꓙ ꓠꓹ ꓟ ꓥ ꓡꓳ꓾ ꓬꓲꓸ ꓪ ꓠꓬ ꓕꓲ ꓩꓴꓸ ꓕꓲ ꓑꓺ ꓥꓳ꓾ ꓐꓰ ꓑ ꓫꓬ ꓐꓴ ꓗꓪ ꓐꓰ ꓘꓴ ꓔꓴ ꓢꓴ ꓡꓰ ꓐꓯ ꓩꓴ ꓡ ꓡꓳ꓿
ꓮ ꓟꓶ ꓑ ꓫꓬ ꓗꓪ ꓐꓰ ꓗꓴꓷꓼ ꓟꓬꓱꓽ ꓚꓱꓹ ꓗꓪ ꓠꓲꓹ ꓒꓴ ꓠꓲꓹ ꓡꓱ ꓢꓯꓼ ꓕꓵꓼ ꓐ ꓡ ꓢꓴ꓾ ꓦ ꓡꓱ ꓐꓳ ꓓ ꓢꓴ ꓐꓴ ꓔꓯ ꓗꓴꓷꓼ ꓙꓵꓽ ꓪ ꓡꓯꓼ ꓙꓱ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓿ ꓖꓳ ꓟ ꓡꓰ ꓐꓰ ꓟꓯꓼ ꓗꓪ ꓐꓰ ꓒꓳꓹ ꓔꓳꓹ ꓢꓴ ꓐꓴ ꓔꓯ ꓣꓴ ꓡꓴꓽ ꓔꓬ ꓡꓳ꓿
ꓢꓲ-ꓣꓲ-ꓡꓲ-ꓖ ꓗꓴꓷꓼ ꓒꓴ ꓒꓵꓽ ꓠꓬ ꓕꓲꓽ ꓘꓳꓼ ꓟ ꓘꓴꓽ ꓗꓪ 70% ꓞꓰ ꓡꓰˍ ꓡꓳ꓿ (ꓧꓶꓸ ꓕꓯꓽ 100 ꓙꓳ ꓢꓴ ꓠꓬ ꓮ ꓟꓶ 30 ꓡꓰ ꓙꓳˍ ꓟ ꓡꓰ ꓐꓰ ꓥꓳ)꓿ ꓝꓮꓲ ꓕꓲꓽ ꓠꓬꓲ ꓗꓪ ꓙꓼ ꓮ ꓔꓳꓸ ꓢꓯꓼ 9 ꓙꓵꓹˍ ꓓꓰꓼ ꓖꓶ ꓐ ꓡ ꓔꓬ ꓡꓳ꓿ ꓠꓯ ꓞꓲꓼ ꓒꓵꓽ꓾ ꓙꓼ ꓞꓶ ꓒꓵꓽ ꓐꓰ ꓜꓽ ꓓꓴ ꓓꓳ ꓓꓴ ꓒꓵꓽ ꓮ ꓘꓶꓸ ꓓꓯꓻ ꓡ ꓔꓬ ꓡꓳ꓿ ꓗꓴꓷꓼ ꓶ ꓡꓯꓼ ꓥ ꓟꓲ ꓮ ꓘꓶꓸ ꓙꓶꓻ ꓡꓰꓳ꓿
ꓢꓲ-ꓣꓲ-ꓡꓲ-ꓖ ꓗꓴꓷꓼ ꓗꓪ 2019 ꓬꓰ-ꓢꓴ ꓢꓯꓸ ꓬꓲꓼ ꓡ ꓑꓮꓲ ꓪ ꓘꓴ ꓦꓲ ꓗꓪ ꓐꓳꓽ ꓑꓳꓺ ꓡ ꓟ ꓑꓶꓸ ꓓꓴ ꓮ ꓟꓬꓹ ꓫꓵꓻ ꓢꓲꓸ ꓬꓰ-ꓢꓴ ꓔꓯ ꓦ ꓡꓱ ꓢꓴ ꓐꓴ ꓠꓲꓹ ꓥꓴ ꓟꓬ ꓥꓴ ꓓꓴ ꓙꓳ ꓡꓰ ꓟ ꓥ ꓡꓳ꓿
ꓪꓴ-ꓢ ꓟꓬꓱꓽ ꓬꓰ ꓢꓴ ꓮ ꓣꓳ ꓡꓳꓸ ꓒꓽ ꓥ ꓟꓲ ꓗꓴꓷꓼ ꓠꓯꓸꓼ ꓗꓪ ꓟ ꓬꓲꓸ ꓮ ꓣꓳ ꓐꓴ ꓐꓱ ꓶ ꓦꓰꓼ ꓔꓴ ꓡ꓾ ꓫꓸ ꓕꓱ ꓩꓴ ꓡ ꓟ ꓚꓲꓸ ꓟꓶ ꓓꓴ ꓕꓲꓽ ꓟ ꓥ ꓡꓳ꓿
ꓣꓰꓝ: verticanews