ꓚꓣꓑꓧ/ꓠꓴꓖ/ꓑꓓꓝ ꓐꓰ ꓔꓶꓼ ꓟꓽ ꓙ ꓡꓯ ꓘꓳ ꓠꓹ ꓟ ꓪꓵꓼ ꓢꓲꓸ ꓡꓯꓼ ꓓꓴ ꓢꓽ ꓗꓷ ꓢꓴ ꓠꓡꓓ ꓗꓪ ꓟ꓾ 2020 ꓘ0ꓼ ꓢꓲꓻ ꓣꓴ ꓑꓮꓲ ꓗꓪ ꓑ ꓫꓬ ꓡꓰ ꓢꓲꓻ ꓣꓴ ꓔꓸ ꓢꓴ ꓝꓲ ꓓꓴ 110 ꓣꓳ ꓛꓲ ꓙꓳ ꓡꓳ ꓐꓰ ꓢꓷ ꓪ ꓡꓳ= ” ꓬꓲꓸ ꓟꓬꓱꓺ ꓮ ꓙꓵꓽ ꓥꓪ ꓠꓴ ꓢꓷꓸ ꓖꓴ ꓡꓰꓳ= ꓖꓳ ꓡꓱ ꓥ ꓟꓲ ꓮ ꓟꓶ ꓐꓯ ꓒꓬꓱꓺ ꓙꓵꓹ ꓟꓽ ꓥ” ꓐꓰ ꓠꓡꓓ ꓗꓪ ꓟ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=
ꓙꓵꓽ ꓪ ꓣꓴ ꓔꓸ ꓟ ꓟꓯꓼ ꓐꓴ ꓖꓼ ꓙꓬ ꓗꓪ ꓖꓳ ꓡꓱ ꓪꓵꓼ ꓘꓶꓽ ꓡꓯꓼ ꓓꓴ ꓢꓽ ꓢꓴ ꓐꓴ ꓠꓬ ꓟ-ꓗꓪꓯꓸ ꓟꓵꓽ꓾ ꓲ-ꓬ-ꓪ-ꓓꓲ ꓟꓵꓽ ꓐꓰ꓾ ꓟꓳꓠ ꓟꓵꓽ ꓐꓴ ꓗꓪ ꓐꓰ ꓥ ꓡꓳ ꓐꓯ ꓡꓳ= ” ꓡꓽ ꓛꓴꓸ ꓘꓶꓽ ꓗꓪ ꓟꓯꓼ ꓟ ꓔꓯ ꓧꓪꓸ ꓟꓽ ꓓ ꓐꓰ ꓓꓵꓽ ꓙ ꓢꓴ ꓐꓴ ꓳꓸ ꓡꓲ ꓬꓰ ꓡ ꓟ ꓥꓳ= ꓮ ꓡꓲ ꓐꓯ ꓡꓲꓸ ꓐꓯ ꓬꓲꓸ ꓪ ꓠꓽ ꓑ ꓫꓬ ꓠꓲꓹ ꓡꓶꓽ ꓔꓯ ꓒꓳꓹ ꓢꓴ꓾ ꓑ ꓫꓬ ꓒꓬꓱꓽ ꓟꓬ ꓔꓯ ꓒꓬꓹ ꓢꓴ꓾ ꓙ ꓟꓳ ꓘꓶꓽ ꓒꓳꓹ ꓢꓴ ꓥꓳ” ꓐꓰ ꓗꓴꓷꓼ ꓫꓵꓽ ꓪꓴ ꓢꓷ ꓠꓲꓹ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=