ꓑ ꓫꓬꓼ ꓔꓯ ꓬꓰ ꓙ ꓠꓹ ꓟ ꓚꓔꓝ- ꓚꓳꓦꓲꓓ ꓟꓬꓱꓽ ꓬꓰ ꓜꓴ ꓒꓴ ꓗꓷꓳ

ꓠꓴꓖ ꓗꓴꓷꓼ ꓙꓵꓽ ꓜꓴ ꓐꓰ꓾ ꓟꓬ-ꓟ ꓟꓵꓽ ꓚꓰ ꓞꓳ ꓫꓵꓽ ꓐꓴ ꓪꓽ ꓡꓯ ꓘꓳ ꓢꓲ꓾ ꓚꓳꓦꓲꓓ ꓠꓻ ꓓꓱꓽ ꓗꓽ ꓔꓸ ꓚꓱꓹ ꓐꓰ꓾ ꓠꓻ ꓫꓬꓹ ꓚꓱꓹ ꓗꓪ ꓟꓬ-ꓟ ꓑ ꓫꓬꓼ ꓐꓴ ꓔꓯ ꓬꓰ ꓠꓹ ꓟ ꓚꓔꓝ (Covid Task Force)- ꓚꓳꓦꓲꓓ ꓟꓬꓱꓽ ꓬꓰ ꓜꓴ ꓒꓴ ꓗꓷꓳ꓿

ꓕꓱ ꓕꓲ ꓜꓴ ꓪꓴꓸ ꓓꓵ ꓧꓳꓽ ꓢꓴ ꓢꓽ ꓡ ꓙꓵꓽ ꓠꓬ ꓓꓣꓸ ꓢꓲ-ꓔꓲ-ꓬ-ꓟꓮꓳꓽ ꓥ ꓢꓲ꓾ ꓔꓳꓹ ꓙ ꓢꓽ ꓡ ꓙꓵꓽ ꓠꓬ꓾ ꓓꓣꓸ ꓜꓳ-ꓪꓯ-ꓢꓳꓸ ꓥ ꓡꓳ꓿

ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓡꓰ ꓑ ꓫꓬ ꓐꓱ ꓶ ꓬꓰ ꓙ ꓙꓲꓽ ꓙꓳ ꓟ ꓮ ꓫꓵꓽ ꓡꓲꓸ ꓬꓰ ꓙ ꓟꓽ ꓐ ꓡ ꓟ ꓑꓶꓸ ꓓꓴ ꓕꓱ ꓕꓲ ꓜꓴ ꓒꓴ ꓢꓲ ꓑ ꓫꓬꓼ ꓔꓯ ꓮ ꓡꓲ ꓐ ꓡ ꓖꓳ ꓡꓲ ꓬꓰ ꓙ ꓓꓴ ꓥꓳ ꓐꓯ ꓡꓳ꓿ ꓟꓵꓽ ꓘꓶ ꓟꓵꓽ ꓡꓯꓼ ꓗꓪ ꓠꓬ ꓑꓳ ꓔꓯꓹ ꓟꓯꓼ ꓐꓴ ꓡꓳꓸ ꓙ ꓟ ꓠꓯꓸꓼ ꓗꓪ ꓟꓬꓱꓽ ꓬꓰ ꓢꓲ꓾ ꓡꓳ ꓒꓱ ꓓꓽ ꓟ ꓗꓪ ꓠꓬ ꓔꓱꓹ ꓫꓵ ꓗꓪ ꓟ ꓜꓴ ꓐꓴ ꓗꓪ ꓐꓰ ꓕꓲ ꓝꓸ ꓑ ꓫꓬ ꓔꓯ ꓡꓳꓸ ꓙ ꓓꓴ ꓙ ꓖꓶ ꓔꓬ ꓡꓳ꓿