2023 ꓘꓳꓼ 1 ꓦ 26 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓗꓴꓷꓼ ꓟꓬꓱꓽ ꓬꓰ ꓜꓴ ꓑ-ꓔꓲ ꓮ ꓙꓵꓽ ꓠꓬ ꓢꓲꓻ ꓣꓴ ꓗꓳ-ꓟꓲ-ꓫꓲ ꓗꓪ ꓬꓲꓸ ꓫꓵꓼ ꓕꓲ ꓧꓪꓹ ꓟꓬꓱꓺ ꓓꓵꓽ ꓠ ꓔꓸ ꓡꓳ ꓐꓯ ꓟ ꓙꓵꓽ ꓗ ꓫꓵꓼ ꓕꓲ ꓟ ꓓꓳ ꓩꓴ ꓡ ꓡꓳ꓿
ꓟꓯꓼ ꓗꓳ-ꓢꓰ ꓢꓽ ꓡ ꓙꓵꓽ ꓡꓰ ꓡꓯꓼ ꓓꓴ ꓢꓽ ꓔꓸ ꓟ ꓕꓵꓼ ꓪ ꓫꓵꓼ ꓕꓱ ꓟ ꓗꓪ꓾ 60 ꓠꓬꓲ ꓟ ꓘꓴꓽ ꓗꓪ ꓑ-ꓔꓲ ꓕꓲꓽ ꓟ ꓠꓬ ꓑ-ꓔꓲ ꓧꓳꓽ ꓪꓴꓸ ꓟꓴ ꓢꓴ (15) ꓣꓳ ꓗꓪ ꓐꓰ ꓢꓲꓻ ꓣꓴ ꓗꓳ-ꓟꓲ-ꓫꓲ ꓗꓪ ꓬꓲꓸ ꓫꓵꓼ ꓕꓲꓽ ꓧꓪꓸ ꓟꓬꓱꓺ ꓓꓵꓽ ꓠꓹ ꓟ꓾ ꓕꓲꓽ ꓗꓴꓷꓼ ꓡꓱꓸꓼ ꓗꓪ ꓢꓲꓻ ꓔꓯꓺ ꓡꓯ ꓘꓳ ꓠꓲꓹ ꓫꓵ ꓠꓬ 90 ꓠꓬꓲ ꓟ ꓘꓴꓽ ꓗꓪ ꓑ-ꓔꓲ ꓓꓵꓽ ꓢꓴ 100000 (1 ꓢꓯꓹ) ꓣꓳ ꓧꓪ ꓠꓹ ꓟ꓾ ꓟꓵꓽ ꓫꓴ ꓗꓪˍ ꓡꓰꓽ ꓢꓲꓻ ꓣꓴ ꓔꓯꓺ ꓡꓯ ꓘꓳ ꓠꓲꓹ ꓫꓵ ꓠꓬ ꓑ-ꓔꓲ ꓓꓵꓽ ꓢꓴ 1000 (1 ꓔꓴ) ꓣꓳ ꓙꓳ ꓠ ꓗꓹ ꓟ ꓐꓳ ꓔꓸ ꓡꓳ꓿
ꓟꓯꓼ ꓗꓳ-ꓢꓰ ꓠꓬ 2 ꓦ 1 ꓠꓬꓲ ꓕꓯꓽ ꓗꓽ ꓡꓳꓸ ꓜꓴ ꓔꓯ ꓙꓵꓽ ꓪ ꓡꓲꓸ ꓖꓶꓽ ꓡꓽ ꓩꓴ ꓢꓲ꓾ ꓡ ꓠꓹ ꓟ 8 ꓦ ꓠꓯꓸꓼ ꓗꓪ ꓗꓴꓷꓼ ꓙꓵꓽ ꓢꓴ ꓢꓲꓻ ꓣꓴ ꓑꓮꓲ ꓬꓰ ꓠꓹ ꓟ ꓙ ꓖꓶ ꓔꓬ ꓟ ꓥ ꓡꓳ꓿