ꓟꓬ-ꓟ ꓗꓴꓷꓼ ꓗꓪ ꓟ ꓗꓴꓷꓼ ꓟꓬꓱꓽ ꓬꓰ ꓜꓴ ꓑ-ꓔꓲ ꓐꓴ ꓠꓬ ꓟꓯꓹ ꓗꓳ-ꓟꓲ-ꓫꓲ ꓜꓴ (ꓴꓰꓚ) ꓗꓪ ꓐꓰ ꓕꓵꓼ ꓪ ꓟꓽ ꓙꓳ ꓙꓳ꓾ ꓐꓶꓽ ꓗꓴꓷꓼ ꓗꓪ ꓐꓰ ꓕꓲ ꓣꓳ꓾ ꓬꓲꓸ ꓜꓴ ꓔꓯ ꓡꓯꓽ ꓡꓲ ꓜꓲ ꓟꓽ ꓓ꓾ ꓙ ꓡꓯ ꓘꓳ ꓟꓽ ꓓ ꓐꓰ 2022 ꓘꓳꓼ 8 ꓦ 11 ꓠꓬꓲ ꓕꓯꓽ ꓴꓰꓚ ꓡꓰ ꓑ-ꓔꓲ ꓐꓴ ꓔꓯ ꓕꓵꓼ ꓪ ꓖꓶ ꓢꓷ ꓙ ꓟꓴ ꓙ ꓔꓸ ꓡꓳ꓿
ꓴꓰꓚ ꓟꓯꓹ ꓗꓳ-ꓟꓲ-ꓫꓲ ꓡꓰ ꓐꓯˍ ꓟ ꓠꓬ ꓙꓵꓽ ꓗ 6 (ꓢꓼ) ꓗꓪ ꓐꓶ ꓗꓴꓷꓼ ꓕꓲ ꓟ ꓟ꓾ ꓦ ꓡꓱ ꓚꓱꓹ ꓕꓲ ꓜꓴ ꓜꓴ ꓗꓪ ꓐꓰ ꓕꓲ ꓣꓳ ꓣꓳ꓾ ꓕꓲ ꓜꓴ ꓜꓴ ꓗꓪ ꓐꓰ ꓒꓴ꓾ ꓶ ꓤ꓾ ꓐꓰ ꓠꓱꓸ ꓐꓯꓼ ꓕꓲ ꓫꓵ ꓫꓵ ꓒꓴ ꓒꓴ ꓡꓯꓽ ꓡꓯꓽ꓾ ꓥ ꓠꓬ ꓗꓴ ꓗꓴ ꓢꓲꓺ ꓖꓶꓽ ꓡ ꓟ ꓘꓴ ꓣꓴ ꓟꓽ ꓓ ꓐꓰ ꓐꓯ ꓔꓸ ꓟ ꓔꓯ ꓛꓳ ꓠꓹ ꓟ ꓥ ꓡꓳ꓾ ꓐꓯ ꓔꓸ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓑ-ꓔꓲ 92 ꓟ ꓙꓳ ꓡꓳ꓿ ꓗꓴꓷꓼ ꓙꓵꓽ ꓚꓱꓹ ꓟꓴ ꓚꓱꓹ ꓔꓯ ꓟꓳꓸ ꓑꓶꓸ ꓓꓴ ꓓꓳ ꓡ ꓑ-ꓔꓲ 43 ꓟ꓾ ꓞꓳ ꓫꓵꓽ ꓡꓳ ꓚ ꓓꓳ ꓡ ꓟ ꓑ-ꓔꓲ 19 ꓟ꓾ ꓟꓵꓽ ꓡꓳ ꓚ ꓓꓳ ꓡ ꓟ ꓑ-ꓔꓲ 30 ꓟ ꓙꓳˍ ꓡꓳ꓾ ꓐꓰ ꓴꓰꓚ ꓡꓰ ꓐꓯ ꓔꓸ ꓡꓳ꓿
ꓐꓬꓱꓽ꓾ ꓴꓰꓚ