ꓚꓳꓦꓲꓓ-19 ꓐꓰ꓾ ꓟꓯꓼ ꓢꓴꓺ ꓔꓬ ꓟ ꓑꓶꓸ ꓓꓴ ꓧꓶꓸ ꓕꓯ ꓡꓰ ꓐꓰ ꓟꓵꓽ ꓗꓪ ꓧꓪꓽ ꓧꓪ ꓥꓪꓸ ꓧꓪ꓾ ꓢꓲꓹ ꓚꓰ ꓛꓰꓹ ꓚꓳ ꓟꓽ ꓙꓲ ꓡꓰ ꓠꓬꓲ꓾ ꓞꓲ ꓠꓲꓹ ꓑꓴ-ꓔ-ꓳ ꓟꓵꓽ ꓢꓴ ꓐꓴ ꓠꓬ ꓮ ꓙꓬ ꓡꓳ ꓗꓸ ꓮ ꓙꓵꓽ ꓗꓪ ꓤ ꓠꓱ ꓞꓳ ꓟꓳꓽ ꓫꓵꓺ ꓧꓶ ꓫꓵ ꓐꓯ ꓖꓼ ꓧꓪ ꓢꓲꓸ ꓦꓬꓼ ꓠꓬꓲ ꓗꓳꓸ ꓔꓬ ꓡꓳ꓿
“ꓟꓵꓽ ꓗꓪ ꓖꓶ ꓙꓰ ꓟꓽ ꓙꓲ ꓬꓰ ꓟ ꓕꓲꓽ ꓗꓯ꓾ ꓫꓵꓺ ꓒꓵꓽ ꓟ ꓖꓶ ꓮ ꓘꓶꓸ ꓒꓵꓽ ꓡ ꓠꓰ ꓫꓵꓺ ꓚꓴꓸ ꓤ ꓔꓬ ꓥ꓿ ꓣꓳ ꓟꓵꓽ ꓗꓪ ꓠꓽ ꓮ ꓗꓪ ꓚꓴꓸ ꓡꓲꓸ ꓫꓵ ꓧꓶ ꓫꓵ ꓐꓯ ꓠꓽ ꓚꓴꓸ ꓟꓳ ꓡ ꓠꓯꓸ” ꓐꓰ ꓑ-ꓘꓰꓸ ꓘꓹ ꓗꓪ ꓟ ꓫꓵꓺ ꓚꓴꓸ ꓒ ꓕꓲ ꓣꓳ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
ꓟꓶ-ꓡꓽ ꓡꓳ꓾ ꓟꓶ-ꓡꓲꓸ ꓡꓳ꓾ ꓠꓟ-ꓕꓲ ꓡꓳ꓾ ꓗꓶꓽ-ꓞꓽ ꓡꓳ꓾ ꓕꓱ ꓡꓱꓳ ꓫꓵ ꓬꓲꓽ ꓟ ꓡꓳ ꓙꓼ ꓓꓰꓺ ꓐꓰ꓾ ꓠꓱꓸ ꓐꓯꓼ ꓡꓳ ꓗꓸ ꓐꓯ ꓖꓴ ꓟꓽ ꓓ ꓗꓪ ꓕꓲ ꓐꓱ ꓠꓬ ꓠꓲ ꓖꓴ ꓡꓲꓼ꓾ ꓕꓲ ꓐꓱ ꓠꓬ ꓬꓲꓼ ꓔꓸ ꓜ ꓘꓪ ꓟꓯ꓾ ꓦꓲ ꓚꓱ ꓘꓳꓸ ꓔꓬ ꓙꓰ ꓢꓲ꓾ ꓮ ꓡꓲ ꓐ ꓡ ꓖꓳ ꓡꓱ ꓚꓴꓸ ꓡꓯ ꓔꓯ ꓔꓬ ꓡꓳ꓿
ꓑꓧꓳꓔꓳꓽ ꓙꓪ꓾ ꓠꓬꓜ