ꓑꓴ-ꓔ-ꓳ ꓗꓪ ꓢꓲ ꓡꓲꓹ ꓡ ꓠꓹ ꓟ ꓠꓲꓹ ꓞ ꓬꓰ ꓙ ꓡꓯ ꓐꓰ ꓗꓴꓷꓼ ꓙꓵꓽ ꓜꓴ ꓔꓯ ꓣ-ꓪ ꓞꓳ ꓪꓴꓽ ꓞꓳ ꓔꓲ (4) ꓣꓳ ꓡꓯꓼ ꓓꓴ ꓢꓽ ꓔꓸ ꓢꓲꓸ 2022 ꓘꓳꓼ 3 ꓦ 5 ꓠꓬꓲ ꓕꓯꓽ ꓓꓰꓽ ꓩꓴ ꓡ ꓡꓳ꓿
ꓕꓱ ꓟ ꓠꓬ 2022 ꓘꓳꓼ 3 ꓦ 5 ꓠꓬꓲ ꓕꓯꓽ ꓓꓴ-ꓓꓽ ꓗꓪ ꓙꓳˍ ꓟ ꓣ-ꓪ ꓞꓳ ꓫꓵꓽ ꓐꓱꓻ ꓗꓪ ꓑ ꓫꓬ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓗꓸ ꓠꓯꓸ ꓢꓷ ꓙ ꓟꓴ ꓙ ꓘꓶꓽ ꓥ ꓡꓳ꓾ ꓐꓰ ꓐꓳ ꓔ ꓡꓳ꓿ ꓗꓴꓷꓼ ꓙꓵꓽ ꓜꓴ ꓐꓯ ꓟ ꓠꓬ ꓢꓼ ꓗꓼ ꓢꓼ ꓔꓯ ꓖꓴˍ ꓟ ꓡꓳꓸ ꓟꓳ ꓓ ꓡꓳ꓿
ꓕꓳ ꓶ ꓗꓪ ꓐꓳ ꓔ ꓟ ꓬꓲꓸ ꓟꓳ ꓡꓱꓽ ꓠꓬ꓾ (1) ꓢꓴ ꓓꓴ ꓙꓴꓽ ꓓꓴ ꓐꓰ꓾ ꓑ ꓫꓬ ꓔꓬ ꓖꓴ ꓦꓲ ꓐꓰ ꓖꓴꓽ ꓙꓴꓽ ꓐꓬ ꓡꓰ ꓡ ꓚꓱꓹ ꓬꓰ ꓔꓬ ꓟ ꓮ ꓙꓵꓽ ꓔꓯ ꓒꓳꓹ ꓔꓳꓹ ꓡꓳ꓿
(2) ꓗꓴꓷꓼ ꓙꓵꓽ ꓜꓴ ꓡꓰ ꓬꓰ ꓖꓶ ꓡ ꓔꓬ ꓟ ꓓꓰ-ꓟꓳ-ꓗꓯ-ꓢꓰ ꓝꓯ-ꓓ-ꓬꓯ ꓙꓵꓽ ꓚꓱꓹ ꓐꓱ ꓶ ꓟꓯꓼ ꓶ ꓤ ꓡꓽ ꓛꓴꓸ ꓔꓯꓹ ꓢꓲꓸ ꓬꓰ ꓡˍ ꓟ ꓔꓯ ꓢꓯꓼ ꓟꓽ ꓖꓶ꓿
(3) ꓟꓵꓽ ꓢꓲ ꓡꓲꓹ ꓓꓴ ꓚꓱꓹ꓾ ꓑ ꓫꓬ ꓐꓴ ꓧꓪ ꓜꓽ ꓧꓪ ꓓꓳ ꓶ ꓡꓯ ꓟꓴ ꓚꓱꓹ ꓔꓯ ꓘꓶ ꓡꓶꓽ ꓡ ꓢꓴ ꓔꓯ ꓗꓴꓷꓼ ꓙꓵꓽ ꓜꓴ ꓐꓰ ꓔꓺ ꓢꓲꓸ ꓗꓽ ꓔꓸ ꓠꓹ ꓟ ꓑ ꓫꓬ ꓮ ꓙꓵꓽ ꓔꓯ ꓢꓯꓼ ꓖꓶ ꓡꓳ꓿
(4) ꓮ ꓟꓶ ꓕꓲ ꓟꓵ ꓕꓲ ꓟꓵꓽ ꓗꓪ ꓒꓬꓱꓼ ꓔꓬ ꓟ ꓢꓴ ꓓꓴ ꓙꓴꓽ ꓓꓴ ꓮ ꓙꓵ ꓢꓲ ꓡꓲꓹ ꓡꓰ ꓠꓹ ꓟ ꓗꓴꓷꓼ ꓙꓵꓽ ꓜꓴ ꓡꓰ ꓠꓲꓹ ꓞ ꓬꓰ ꓙ ꓡꓯ꓿