ꓑꓴ-ꓔ-ꓳ ꓟꓵꓽ ꓑ ꓫꓬ ꓝꓲ ꓓꓴ ꓡꓵꓺ ꓙꓬ-ꓬꓳ-ꓪꓴꓽ ꓬꓲꓸ ꓟꓹ ꓟ ꓧ-ꓠ ꓠꓬ ꓢꓲ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ

ꓑ ꓫꓬ ꓝꓲ ꓓꓴ ꓓꓽ ꓟ ꓙꓬ-ꓬꓳ-ꓪꓴꓽ ꓬꓲꓸ ꓟꓹ ꓟ ꓕ-ꓬꓯ-ꓜ ꓮ-ꓛ ꓧ-ꓠ ꓠꓬ 2022 ꓘꓳꓼ 4 ꓦ 2 ꓠꓬꓲ ꓟꓶ ꓘꓶꓼ 9 ꓙꓵꓹ ꓕꓯꓽ꓾ ꓟꓶ-ꓚꓲ-ꓠ ꓗꓪ ꓢꓲ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿

ꓕ-ꓬꓯ-ꓜ ꓮ-ꓛ ꓧ-ꓠ ꓠꓬ ꓬꓲꓸ ꓦꓲ ꓢꓲꓺ ꓒ ꓧꓪ ꓖꓳ ꓓꓱꓽ ꓡꓳꓹ ꓬꓰ ꓗꓸ ꓠꓯꓸ ꓤ ꓠꓱ ꓕꓲ ꓦꓲ ꓔꓯ ꓧꓪ ꓚꓸ ꓫꓳ ꓪꓴꓽ ꓡ ꓢꓴ꓾ ꓮ ꓘꓶꓸ ꓢꓯꓼ ꓕꓵꓼ ꓗꓷ ꓢꓴ ꓟꓹ ꓟ ꓕꓲ ꓣꓳ ꓥ ꓡꓳ꓿ ꓡꓲꓸ ꓑꓸ ꓡꓲꓸ ꓟ (17) ꓣꓳ꓾ ꓡꓲꓸ ꓒꓲꓽ (2) ꓣꓳ ꓜꓰ ꓒꓰꓹꓳ ꓐꓯ ꓡꓳ꓿

ꓟꓹ ꓟ ꓕ-ꓬꓯ-ꓜ ꓮ-ꓛ ꓧ-ꓠ ꓧꓪ ꓖꓳ ꓓꓱꓽ ꓫꓺ ꓔꓵꓸ ꓠꓹ ꓟ ꓠꓬ꓾ 2022 ꓘꓳꓼ 4 ꓦ 4 ꓠꓬꓲ (ꓠꓽ ꓕꓲꓽ ꓠꓬꓲ) ꓟꓳꓼ ꓡꓳ 1 ꓙꓵꓹ ꓗꓪ ꓬꓰ ꓓꓴ ꓥꓳ꓾ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿

ꓐꓬꓱꓽ ꓐꓰ ꓓꓳꓽ ꓬꓲ ꓚꓰ꓾ Je Yaw Wu J Facebook