ꓑꓴ-ꓔ-ꓳ ꓙꓲ-ꓢꓴ ꓘꓴ ꓜꓲꓼ ꓞꓳ ꓶꓼ ꓥꓳ ꓜꓴ ꓦꓲ ꓫꓵꓼ ꓓꓵꓽ ꓪ ꓘꓴ ꓑꓮꓲ

ꓠꓬꓲꓸ ꓠꓬꓲ 2022 ꓘꓳꓼ 1 ꓦ 28 ꓠꓬꓲ ꓕꓯꓽ꓾ ꓑꓴ-ꓔ-ꓳ ꓟꓵꓽ꓾ ꓟꓶ-ꓡ-ꓫꓵ-ꓓꓰ ꓘꓹ ꓗꓪ ꓙꓲ-ꓢꓴ ꓘꓴ ꓜꓲꓼ ꓞꓳ ꓶꓼ ꓥꓳ ꓜꓴ ꓦꓲ ꓫꓵꓼ ꓓꓵꓽ ꓑꓮꓲ ꓬꓰ ꓗꓷꓳ꓿

ꓗꓳ-ꓟꓲ-ꓔꓲ ꓜꓴ ꓦꓲ ꓫꓵꓼ ꓓꓵꓽ ꓪ ꓘꓴ ꓜꓲꓼ ꓓꓴ ꓗꓪ Dr. ꓪ-ꓬꓯ-ꓜꓰ꓾ Dr. ꓡ-ꓢ-ꓣꓴ꓾ ꓟꓸ ꓒ ꓖꓪ-ꓬꓳ-ꓢꓷ꓾ ꓝꓮꓲ ꓟꓴ ꓖꓪ ꓖꓪ ꓢꓴ ꓐꓴ ꓐꓰ꓾ ꓘꓴ ꓜꓲꓼ ꓞꓳ 44 ꓟ ꓗꓪ ꓐꓰ ꓜꓲꓼ ꓛꓲ ꓡ ꓢꓴ 100 ꓣꓳ ꓟꓽ ꓞꓲ ꓙꓳˍ ꓡꓳ꓿

2001 ꓘꓳꓼ ꓕ ꓑꓳꓸ ꓑꓴ-ꓔ-ꓳ ꓟꓵꓽ ꓙꓲ-ꓢꓴ ꓘꓴ ꓜꓲꓼ ꓞꓳ ꓗꓪ ꓢꓴꓺ ꓔꓴ ꓓꓴ ꓙꓳ ꓡ ꓟ ꓑꓶꓸ ꓓꓴ꓾ ꓖꓳ ꓗꓸ ꓠꓯꓸ ꓕ ꓑꓳꓸ ꓠꓬ ꓙꓲ-ꓢꓴ ꓘꓴ ꓜꓲꓼ ꓞꓳ ꓙꓳˍ ꓟ ꓞꓳ ꓘꓹ ꓮ ꓟꓬꓹ ꓗꓪ ꓪ ꓘꓴ ꓦꓲ ꓠꓬꓲꓽ ꓟ꓾ ꓗꓳ-ꓟꓲ-ꓔꓲ 2 ꓟ ꓒꓯꓽ ꓙꓰˍ ꓟ ꓥ ꓡꓳ꓿