2022 ꓘꓳ; 3 ꓦ 3 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓠꓟ-ꓕꓶ ꓬꓲ ꓙꓬ ꓮ ꓔꓳꓸ ꓙꓼ ꓠꓬ ꓞꓳ ꓘꓹ ꓬꓲꓸ ꓩꓴꓸ ꓬꓲꓸ ꓩꓴꓸ ꓒꓯꓽ ꓩꓴ ꓢꓲ 2 ꓦꓬꓼ 1 ꓧꓪꓹ ꓮ ꓔꓳꓸ ꓖꓶ ꓔꓬ ꓡꓳ꓿
“ꓮ ꓙꓬ ꓟ ꓢꓱ ꓬꓰ ꓔꓬ ꓠꓬꓲ 2 ꓠꓬꓲ 1 ꓧꓪꓹ ꓮ ꓔꓳꓸ ꓒꓯꓽ ꓖꓶ ꓓꓴ ꓥꓳ ꓐꓯˍ ꓥ” ꓐꓰ ꓟꓶ-ꓡ-ꓫꓵ-ꓓꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓠꓟ-ꓕꓶ ꓮ ꓔꓳꓸ ꓙꓼ ꓠꓬ ꓑꓴ-ꓔ-ꓳ ꓕꓲ ꓚꓳ ꓡꓳ ꓗꓪ ꓟ ꓦꓲ ꓘꓴ 6000 ꓦꓲ ꓛꓲ ꓔꓯ ꓮ ꓔꓳꓸ ꓖꓶ ꓔꓬ ꓟ ꓥ ꓢꓲ꓾ ꓠꓡꓓ ꓗꓴꓷꓼ ꓙꓵꓽ ꓜꓴ ꓦꓬꓼ ꓠꓬꓲ 2018 ꓘꓳꓼ ꓕꓯꓽ ꓫꓬꓹ ꓒꓬꓱꓼ ꓡ ꓟ ꓥ ꓡꓳ꓿
“ꓮ ꓙꓬ ꓟꓽ ꓡꓳꓼ ꓠꓰ ꓙ ꓒꓱ 3 ꓢꓶꓽ ꓙꓳˍ ꓥ ꓟꓲ 1 ꓢꓶꓽˍ ꓡꓰꓽ ꓚꓳ ꓔꓬ ꓥ꓿ ꓑ ꓫꓬ ꓐꓴ ꓠꓰ ꓠꓽ ꓗꓹ ꓫꓵꓸ ꓢꓰꓼ ꓡ ꓪ” ꓐꓰ ꓖꓳ ꓗꓪ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓔꓶ ꓔꓶ ꓗꓪ ꓐꓯ ꓠꓬ꓾ ꓠꓯ-ꓑꓲ-ꓓꓳ ꓗꓪ ꓠꓬ 24 ꓙꓵꓹ ꓮ ꓔꓳꓸ ꓖꓶ ꓐ ꓡ ꓥ ꓟꓲ꓾ ꓠꓱꓸ ꓐꓯꓼ ꓗꓪ ꓠꓬ 6 ꓙꓵꓹ ꓑꓲꓸ 6 ꓙꓵꓹ ꓮ ꓔꓳꓸ ꓖꓶꓽ ꓓꓴ ꓥꓳ ꓐꓰ ꓮ ꓔꓳꓸ ꓗꓪꓽ ꓫꓵꓽ ꓢꓴ ꓐꓴ ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿