ꓑꓴ-ꓔ-ꓳ ꓗꓪ ꓤ ꓟꓶꓼ ꓡꓯꓸ ꓕꓲ ꓣꓳ ꓜꓲꓽ ꓜꓲ ꓑꓰꓹ ꓑꓰꓹ ꓠꓶꓸ ꓢꓲꓸ ꓢꓰꓼ ꓪ ꓡꓰ

2024 ꓘꓳꓼ 5 ꓦ 10 ꓠꓬꓲ ꓕꓯꓽ ꓑꓴ-ꓔ-ꓳ꓾ ꓓꓴ-ꓓ ꓘꓹ ꓗꓪ 15 ꓘꓳꓼ ꓤ ꓟꓶꓼ ꓡꓯꓸ ꓕꓲꓽ ꓣꓳ ꓔꓯ ꓜꓲꓽ ꓜꓲ ꓑꓰꓹ ꓑꓰꓹ ꓠꓶꓸ ꓢꓲꓸ ꓢꓰꓼ ꓗꓷꓳ꓾ ꓐꓯ ꓡꓳ꓿

“ꓟꓳꓼ ꓡꓳ ꓟꓶ ꓫꓵ ꓢꓰꓼ ꓪ ꓡꓰ ꓐꓶ꓿ ꓦꓲ ꓗꓪ ꓐꓰ ꓙ ꓫꓱꓽ ꓙꓰ ꓟ ꓗꓪ ꓐꓰ ꓦꓲ ꓗꓪ ꓟꓽ ꓡꓽ ꓛꓲ ꓡ ꓡ ꓢꓰꓼ ꓪ ꓡꓰ ꓐꓶ꓿ ꓫꓵꓻ ꓟꓳ ꓔꓯ ꓫꓵꓸ ꓟꓲꓺ ꓗꓪ ꓡꓳꓻ ꓔꓸ ꓬꓰ ꓐꓶ꓿ ꓜꓲꓽ ꓜꓲꓽ ꓑꓰꓹ ꓑꓰꓹ ꓠꓶꓸ ꓔꓸ ꓟ ꓬꓲꓸ ꓡꓯꓼ ꓓꓴ ꓡꓯꓼ ꓢꓽ ꓙꓳˍ ꓙꓳꓽ꓿ ꓢꓰꓼ ꓢꓴ ꓔꓯ ꓧꓪ ꓟꓽ ꓟꓳꓻ ꓢꓰ꓿” ꓐꓰ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿

ꓢꓰꓼ ꓪ ꓡꓰ ꓢꓴ ꓠꓬ ꓓꓴ-ꓓ ꓘꓹ ꓗꓪ ꓔꓬ ꓢꓴ꓾ ꓟ-ꓓꓴ-ꓠꓳ ꓟꓬꓱꓺ ꓔꓸ ꓟ ꓤ ꓟꓶꓼ ꓡꓯꓸ 15 ꓘꓳꓼ ꓡꓳꓼ ꓢꓴ ꓥ ꓡꓳ꓿

ꓬꓲꓸ ꓫꓵꓻ ꓟꓳ ꓔꓯ 2024 ꓘꓳꓼ 4 ꓦ 13 ꓠꓬꓲ ꓕꓯꓽ ꓑꓴ-ꓔ-ꓳ ꓞꓳ ꓡꓯꓸ ꓐꓴ ꓡꓰ ꓞꓳ ꓘꓹ ꓗꓪ ꓔꓯꓹ ꓚꓳꓻ ꓢꓲꓸ ꓘꓴ ꓔꓴ ꓓꓴ ꓥꓳ꓾ ꓐꓰ ꓓꓳꓽ ꓜꓳˍ ꓡꓳ꓿

ꓑꓴ-ꓔ-ꓳ ꓟꓵꓽ ꓗꓪ ꓕꓱ ꓡꓱꓳ ꓫꓵꓽ ꓠꓬ ꓮ ꓟꓬꓹ ꓟꓽ ꓔꓳꓹ ꓜꓳꓽ ꓠꓬꓲ ꓢꓰꓽ ꓟ ꓥ ꓡꓳ꓿