ꓑꓴ-ꓔ-ꓳ ꓗꓪ ꓟꓶꓼ-ꓡꓲꓸ ꓠꓯ ꓬꓲ ꓮ ꓘꓶꓸ ꓙꓲꓽ ꓔꓬꓳ

ꓑꓴ-ꓔ-ꓳ ꓟꓵꓽ ꓗꓪ ꓐꓰ ꓬꓲ ꓡ ꓔꓬ ꓟ ꓟꓶ-ꓡꓲ ꓠꓯ ꓬꓲ ꓠꓬ ꓠꓬꓲꓸ ꓠꓬꓲ ꓠꓯꓼ ꓗꓪ ꓐꓰ ꓟꓳꓼ ꓡꓳ ꓙ ꓡ ꓗꓪ ꓛꓲ ꓠꓺ ꓡꓲ 6 ꓙꓵꓹ ꓟ ꓘꓴꓽ ꓗꓪ꓾ 5 ꓑꓯꓸ ꓕꓲ ꓦꓰꓼ ꓟꓽ ꓞꓲ ꓙꓲꓽ ꓡ ꓔꓬ ꓡꓳ꓿

ꓠꓯꓼ ꓝꓲꓸ 6:30 ꓙꓵꓹ ꓗꓪ ꓠꓬ꓾ 948 ꓚꓟ ꓙꓳ ꓢꓲ꓾ 12:30 ꓗꓪ ꓠꓬ꓾ 1103 ꓚꓟ ꓗꓪ ꓓꓯꓺ ꓛꓲ ꓡ ꓡꓳ꓿

“1200 ꓚꓟ ꓟ ꓠꓬ ꓙꓲ ꓣꓴ ꓓꓴ ꓙꓳ ꓟ ꓬꓲꓸ ꓙꓶ ꓥꓳ꓿ ꓮ ꓟꓶ ꓠꓬ 1103 ꓚꓟ ꓗꓪ ꓛꓲ ꓡ ꓔꓬ ꓡꓳ꓿ ꓮ ꓙꓬ ꓡꓳ ꓒ ꓕꓲ ꓗꓪ ꓔꓬ ꓢꓴ ꓐꓴ ꓠꓬ ꓤ ꓟꓳ ꓙꓲꓽ ꓙꓳ ꓡꓳ꓿” ꓐꓰ ꓟꓲꓼ ꓪꓳꓼ ꓟꓲ ꓦꓲ ꓟꓶ ꓦ ꓚꓱꓹ ꓢꓷꓸ ꓠꓲꓹ ꓙꓳ ꓒꓽ ꓮ-ꓞꓲ ꓡꓰ ꓬꓲꓸ ꓝꓮꓚꓰꓐꓳꓳꓗ ꓗꓪ ꓢꓷ ꓙ ꓟꓴ ꓙ ꓔꓸ ꓡꓳ꓿

ꓑꓴ-ꓔ-ꓳ ꓟꓵꓽ ꓗꓪ ꓟꓶ ꓦ ꓜꓯꓼ꓾ ꓬꓲ ꓙꓬ ꓙꓲꓽ ꓡ ꓗꓸ ꓠꓯꓸ 1-2 ꓠꓬꓲ ꓟ ꓘꓴꓽ ꓗꓪ ꓙꓱ ꓑꓳꓸ ꓟꓶ-ꓚꓲ-ꓠ ꓟꓵꓽ ꓗꓪ ꓬꓲ ꓙꓬ ꓟꓷꓸ ꓡ ꓚꓰꓼ ꓡꓳ꓿