ꓑꓴ-ꓔ-ꓳ ꓗꓪ ꓙꓼ ꓞꓶ ꓪꓴꓽ ꓖꓶ ꓔꓬ꓾ ꓬꓲꓸ ꓒꓵꓽ ꓠꓯꓸ ꓔꓬ

ꓑꓴ-ꓔ-ꓳ ꓗꓪ ꓑꓲꓸ ꓔꓸ ꓟ ꓙꓼ ꓞꓶ ꓙꓲ ꓔꓲ ꓒꓴ ꓡꓯꓽ ꓔꓯꓺ ꓡ ꓢꓲ꓾ ꓬꓲꓸ ꓒꓵꓽ ꓙꓶꓻ ꓠꓬ ꓧꓶꓸ ꓕꓯꓽ ꓙ ꓖꓴ ꓑꓲꓸ ꓔꓸ ꓟ ꓕꓯꓽ ꓢꓲ ꓞꓰ ꓡ ꓥ ꓟꓲ꓾ ꓠꓱꓸ ꓐꓯꓼ ꓟꓵꓽ ꓕꓯꓽ ꓢꓲ ꓠꓯꓸ ꓔꓬ ꓡꓳ꓿

2022 ꓘꓳꓼ 3 ꓦ 7 ꓠꓬꓲ ꓕꓯꓽ Petro-7 ꓙ ꓞꓶ ꓪꓴꓽ ꓔꓶꓸ ꓒꓴ ꓪꓴꓸ ꓔꓴ ꓡ ꓢꓲꓸ ꓖꓳ ꓗꓪ꓾92 1 liter 2700 ꓒꓯꓼ꓾ 95 1 liter 2750 ꓒꓯꓼ꓾ Premium Diesel 1 liter 2800 ꓒꓯꓼ ꓪꓴꓽ ꓔꓬ ꓡꓳ꓿ ꓕꓱ ꓟ ꓠꓬ ꓙ ꓖꓴ ꓑꓲꓸ ꓔꓸ ꓟ 10 ꓠꓬꓲ ꓟ ꓘꓴꓽ ꓗꓪ 1 ꓪꓰꓸ ꓗ (ꓮ ꓡꓻ 1 litre ꓟꓽ ꓙꓳ) 8000 ꓒꓯꓼ ꓗꓪ ꓐꓰ ꓕꓲ ꓧꓪꓹ ꓞꓰ ꓡ ꓟ ꓥ ꓡꓳ꓿

“ꓙꓼ ꓞꓶ ꓐꓰ ꓶ ꓤ ꓶ ꓟꓲ ꓒꓵꓽ ꓓꓯ ꓡ ꓓꓴ ꓟ ꓬꓲꓸ ꓑꓶꓸ ꓠꓬ ꓶ ꓤ ꓚꓰꓹ ꓟꓳ ꓓꓳ ꓔꓯ ꓙ ꓖꓴ ꓗꓪ ꓬꓲꓸ ꓫꓴꓸ ꓖꓼ ꓠꓬꓽ ꓜꓲ ꓠꓰ ꓥꓳ꓿ ꓫꓴꓸ ꓖꓳꓻ ꓔꓬ ꓟ ꓠꓬ ꓡꓳ ꓑ ꓔꓯ ꓮ ꓫꓵꓽ ꓟꓽ ꓘꓶ ꓡꓶꓽ ꓬꓰ꓿ ꓙ ꓖꓴ ꓫꓸ ꓠꓰ ꓟꓽ ꓙꓳ ꓫꓵ ꓟ ꓗꓪ꓾ ꓑꓴ-ꓔ-ꓳ ꓑ ꓫꓬ ꓐꓴ ꓡꓯ ꓧꓪꓸ ꓫꓸ ꓓꓴ ꓒꓬꓱꓼ ꓡ ꓔꓬꓳ” ꓐꓰ ꓟꓶ-ꓚꓲ-ꓠ ꓗꓪ ꓐꓰ ꓑꓴ-ꓔ-ꓳ ꓗꓪ ꓶ ꓤ ꓚꓰꓹ ꓔꓬ ꓢꓴ ꓕꓲ ꓣꓳ ꓡꓰꓽ ꓐꓯˍ ꓡꓳ꓿

ꓬꓥ-ꓖꓳꓥ ꓗꓪ ꓠꓬꓲꓸ ꓠꓬꓲ ꓙꓼ ꓞꓶ ꓒꓵꓽ ꓠꓬ 92/95 1 litre 2000 ꓒꓯꓼ ꓖꓼ ꓡꓯꓼ ꓖꓼ ꓙꓲ ꓪꓴꓽ ꓔꓬ ꓡꓳ꓿