ꓑꓴ-ꓔ-ꓳ ꓗꓪ ꓙꓼ ꓞꓶ ꓙꓲ ꓒꓴ ꓡꓻꓳ

ꓑꓴ-ꓔ-ꓳ ꓗꓪ ꓙꓼ ꓞꓶ ꓙꓲ ꓔꓲ ꓮ ꓙꓵꓽ ꓑꓲꓸ ꓡꓰ ꓗꓸ ꓠꓯꓸ 2022 ꓘꓳꓼ 3 ꓦ 4 ꓠꓬꓲ ꓕꓯꓽ ꓡꓳꓹ-ꓜꓳꓼ ꓗꓪ ꓙꓳˍ ꓟ ꓔꓮꓲꓹ-ꓚꓳꓽ ꓙꓼ ꓞꓶ ꓙꓲ ꓔꓲ ꓦꓲ ꓠꓬ ꓬꓲꓸ ꓪꓴꓸ ꓒꓴ ꓩꓴ ꓡˍ ꓡꓳ꓿

“ꓕꓲ ꓣꓳ 70000 ꓒꓵꓽ ꓕꓯꓽ ꓢꓲ ꓟꓽ ꓪꓴꓽ ꓖꓶ ꓡ꓿ 92 ꓙꓼ ꓞꓶ 1 ꓡꓲ-ꓔ ꓠꓬ 2500 ꓒꓯꓼ ꓥꓳ꓿ ꓞꓳ ꓤ ꓠꓽ ꓮ ꓔꓲ ꓔꓳ ꓖꓴꓽ ꓠꓬꓹ ꓪ ꓗꓰ ꓝꓯꓸ ꓠꓬꓹ ꓥ” ꓐꓰ ꓙꓼ ꓞꓶ ꓪꓴ ꓬꓰ ꓢꓴ ꓟꓶ-ꓡ-ꓫꓵ-ꓓꓰ ꓒꓽ ꓕꓲ ꓣꓳ ꓡꓰ ꓐꓯ ꓡꓳ꓿

2022 ꓘꓳꓼ 2 ꓦ 22 ꓠꓬꓲ ꓗꓪ ꓐꓰ ꓟꓶ-ꓚꓲ-ꓠ — ꓑꓴ-ꓔ-ꓳ ꓙ ꓖꓴ ꓑꓲꓸ ꓡꓰ ꓟ ꓗꓪ ꓐꓰ ꓔꓹ-ꓞꓰꓽ 1 ꓪꓰꓸ ꓗ 8000 (.7 litre) ꓗꓪ ꓛꓲ ꓬꓲꓸ ꓒꓵꓽ ꓓꓯꓻ ꓛꓲ ꓟ ꓥ ꓡꓳ꓿

ꓟꓶ-ꓚꓲ-ꓠ — ꓑꓴ-ꓔ-ꓳ ꓙ ꓖꓴ ꓒꓴ ꓗꓷ ꓗꓸ ꓠꓯꓸ ꓶ ꓤ ꓶ ꓟꓲ ꓚꓰꓹ ꓡ ꓟ ꓟꓳ-ꓓꓳ ꓜꓴ 2022 ꓘꓳꓼ 3 ꓦ 3 ꓠꓬꓲ ꓕꓯꓽ ꓬꓲꓸ ꓪꓴꓸ ꓕꓲ ꓧꓪꓹ ꓑꓴ-ꓔ-ꓳ ꓗꓪ ꓛꓲ ꓡ ꓡꓳ꓿

ꓐꓬꓱꓽ- RVA